La Usc di Ladins

L temp à fat stentèr belebon chest an l endrez de la pista de la Marcialonga. De neif l n à fat pecia e donca la maor pèrt é stata fata coi canons e portèda fora per la doi valèdes per endrezèr al miec la scines per l gran numer de sportives e pascioné che en vender ai 26 de jené pontarà via da Moena.

L é jà ora de la 52^ Marcialonga de Fascia e Fiem. Da les 8 de en domenia pontarà via i profescionisć de la Ski Classic e sobito do duc i etres per corir i 70 chilometres de percors. Ence chest an l numer de partezipanc é sora i 6.500, pascioné di schi strenc da più che 40 nazions.

Da chest an per duc i bec e joegn l é na bela neva. En ocajion del 19° Tour de Ski te Fiem ló dal stadie de paslonch de Lago de Tieser l é stat prejentà l nef in: la mascotte de Marcialonga l’à ades ence na bela ciantia: ‘Fondolo’ l é l inom del toch musical nasciù da la paroles di bec e bezes de la scolines de Fiem e Fascia en colaborazion con la Scola de musega Il Pentagramma.

De più su La Usc stampèda de en vender ai 24 de jené.  (MCI)