La Usc di Ladins

La sociazions da mont de noscia Val seghita a se dèr ju acioche se abie consaputa a jir sa mont en segureza. La sezion del CAI SAT de la Val de sot, adum con i Ciamorces de Fasha à endrezà na sera de informazion en lunesc ai 13 de jené te caserma de Vac. L menacrep e istrutor nazionèl Maurizio Lutzenberger à rejonà de neif e de levines. »Lutzenberger l é un di menacrepes più esperc te la Tèlia en cont de levine – à dit l president de la Sezion Lorenzo Battisti – l é do e do agiornà e l fasc corsc per i maestres de schi, per i menacrep e l socors. L sà rejonar polito. Chesta l é stat la scontrada teorica de n cors che aon endrezà per jir co le pel. L cors l é pien, ma chi che fossa enteressé i pel domanar, se i é n muie se pel far n’autra edizion.«

Podede lejer dut su La Usc stampèda de en vender ai 24 de jené.  (NICO)