La Usc di Ladins

Ai 13 de jené ie l joler julà sainsom de Col Raiser per jì a to n’ëila cun na sciabla ora de luegia, che n à pona menà tl spedel de Persenon.
Tl prim domesdì iel stat n nter­vënt japé de Col Raiser: n à sëu­rantëut n pazient cun n trauma al piet dala Crëusc Blancia, per julé limpea tl spedel de Bulsan.
Riesc do ie l joler unì cherdà a La Ila, nce chëst iede per n pazient cun na sciabla ora de luegia, che ie unì menà a Burnech te spedel.
Ntan che n julova de reviers tla sënta a Puntives àn messù julé inant nchin sun l purtoi Sasslong, ulache n ël fova tumà cun i schi y se ova rot l os dla giama. Cun ël iesen julei tl spedel de Persenon, y ntan che n fova demez à la Crëusc Cuecena menà adalerch tla sënta n pazient, che ie unì medià dal segondo dutor de emergënza. L ël à pona pudù furné inant cun l’ambulanza nchin te spedel.
Da sëira iel mo stat na emergënza sanitera te Sëlva. Deberieda ai uemes dla Crëusc Blancia ti àn fat la prima cures al pazient, che n à pona menà cun l joler de nuet a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper