La Usc di Ladins

Ence se chisc tempes ne envia semper de più a vardèr a sé enstesc, zenza se cruzièr massa di etres, Fascia se conferma na val datola, con sociazions e persones che se dèsc ju per didèr i più purec e che met a jir azions che garata de gra al bon cher de tropes.
Jà de november n grop de volontadives de la 5 parochies de don Andrea à enjignà e venù la Corones de Avent e les à tout su passa 4000 euro, destiné a didèr i bec e la families puretes a Betlem, travers la Custodia de Tera Sènta. Per la Tera Sènta l é jit ence na pèrt di passa 6000 euro vegnui ite dal Marcià da Nadèl: i lurieres fac da la volontadines à servì amò a didèr i bec de Kimbondo, travers l Grop Freinademetz e Mato Grosso.
Per l 4° an l é stat portà inant ence te Fascia, per endrez de Lucia e Cristina, l Avent de Ciarità, endrezà da l’Operazione Mato Grosso de Pinzolo.
Inant che sie fora l an, l Grop Freinademetz à ence podù manèr n bel didament de gra ai scioldi rué ite col lurier debant de regoeta del fer e a bonamans de la jent. L é stat dat fora 42.000 euro a sociazions, volontères e miscionaries cognosciui personalmenter che deida te desvalives lesc del mond

De più su La Usc stampèda de en vender ai 24 de jené.  (LG)