En lunesc ai 27 de jené la Scola Ladina de Fascia à metù a jir n projet de ‘peer education' sul tem zentrèl de chel dì: la giornèda internazionèla de la memoria, che vigni an recorda la vitimes del olocaust. L é stat tout ite duta la classes del liceo artistich, linguistich e scientifich.
La ‘peer education', o informazion anter medemi, l é n sistem olache i studenc tol su na pèrt ativa tel ensegnament. Endèna la realisazion del projet i studenc di ultimes trei egn de scola auta se à enjignà de curta prejentazions de zirca mesora da portèr te duta la classes di prumes doi egn. I à spartì i scolees te picoi gropes per tor dant argomenc de memoria storica del olocaust e reflescion sun chel che vel dir aer na memoria coletiva. Vigni grop à vardà n argoment desferent aldò de la materies del ensegnant coordenador.
Podede lejer dut l articol, con apede na reflescion del professor Stefano Riz, su La Usc stampèda de en vender ai 31 de jené. (Daniele Orsetti)
L di de la memoria te la Scola de Fascia
Per no desmentièr l oror del olocaust te la scola auta l é stat metù a jir n projet col sistem de la ‘peer education' e più che 40 studenc di ultimes doi egn à tout pèrt a la ‘Ferata de la memoria'.
Galaria retrac
View the embedded image gallery online at:
https://www.lausc.it/spezial/28788-l-di-de-la-memoria-te-la-scola-de-fascia#sigProIde7adeed567
https://www.lausc.it/spezial/28788-l-di-de-la-memoria-te-la-scola-de-fascia#sigProIde7adeed567
