La Usc di Ladins

Col prum de jené del 2025 l Comun de Sèn Jan l é se n jit fora da la gestion sozièda del servije di Polins. L é amò prest per saer avisa coche la jirà con chesta spartijon, nos endèna aon volù fèr n bilanz del an giusta passà col Comandant Gianluca Ruggiero, saer che che comporta chesta ultima dezijion e ence veder i mudamenc più emportanc del nef codesc de la strèda.

Comandant, aede fat n bilanz del an 2024 dal pont de veduda aministratif?

Gianluca Ruggiero Ence del 2024 aon numeres emportanc che moscia la gran atività del servije de gestion soziada di Polins. Aon scrit ju 509 verbai al codesc de la strada en prejenza, 5693 preavisc de violazion, che l é chele multe che vegn lasciade sui auti per diviec de sosta, 169 verbai aministratives e chigiò l é int soraldut le multe ai camper che se met ju ti posć no consentii. Chisc verbai i é stac fac la gran part tel Comun de Sèn Jan che à doi camping gregn e olache i camper cognesse jir se i vel se fermar. Sui camper fajon n gran control soraldut de aost canche n é tropes, sui pasc e ence da sera. Semper per chel che varda i verbai al codesc de la strada no aon segnà int l an passà chi fac col Trucam percheche no l aon più dorà per control do che l era vegnù fora dute chele contenstazion con recorsc. Proprio chisc dis aboncont l é ruà na comunicazion del Minister di Interni donca podessa mudar valch.

Podede lejer duta l'intervista su La Usc stampèda de en vender ai 31 de jené.  (Monica Cigolla)