La Usc di Ladins

L temp no à segur didà la 52^ edizion de la Marcialonga, pievia dut l dì, neif mola che ferèa e na gran fadia per duc i atlec che à tacà ite la garejèda e i l’à fenida moi desche ponjins. Enceben chest l é stat n’autra edizion spetacolèra e de chest se cogn segur rengrazièr i 1500 volontères e duc chi che se à dat ju fin tinultima per endrezèr la scines sui 70 chilometres de percors, la segureza te ogne paisc, i ponc de restor, l’assistenza, la partenza e l travert.

A pontèr via da les 8 da doman da Moena sot la pievia l é stat i omegn profescionisć de Ski Classic che à sobito dat l ritm, al scomenz i é resté taché ma dapò la biscia se à destacà.

Su La Usc stampèda de vender ai 31 de jené podede veder la cronaca e i resultac de atlec e atletes de Fascia.


 (Monica Cigolla)