La Usc di Ladins

Ai 21 de jené ie l joler dl Aiut Alpin Dolomites julà sun Ciampinëi, ulache n ël dla Nueva Zelanda ova problemes al cuer. L ie unì menà tl spedel de Bulsan.
Daldò iel stat mo n ntervënt sun Jëuf de Frea, per n’ëila che ova n atach de granfs y fova unida da nescia. Do la prima cures iesen julei limpea tl spedel de Persenon.
Ai 22 de jené ie l prim ntervënt stat da duman a Corvara: n ël serb che lëura te n hotel ne se n stajova nia bën y se stëntova a tré l flà. La duturëssa l à medià y n l à pona ciarià tl joler per l mené tl spedel de Burnech, ulache n à nce menà n paziënt che fova tumà sun Ciau­lonch y se ova rot na giama. Tl prim domesdì à la Crëusc Blancia menà adalerch tla sënta n pazient che ova de bujën de n dutor de emergënza. La duturëssa l à vijità y l pazient à pona pudù jì a cësa.
Plu inant iel mo stai doi ntervënc per nzidënc cun i schi: un ta Risacia per n ël che se à rot na giama, che n à menà tl spedel de Persenon, l segondo per n’ëila che se ova rot l os dla cuessa – meneda tl spedel de Burnech.

De plu tla edizion stampeda de La Usc di Ladins o sun l e-paper a paiament www.lausc.it/e-paper