La Usc di Ladins

La Scola Ladina de Fascia met a jir na neva sescion de corsc de lengaz ladin. Vegn endrezà doi corsc: un per duc i prinzipianc che vel scomenzèr a entener, rejonèr e lejer per lengaz de mendranza (livel Qcer A1/A2) e un per duc chi che vel se perfezionèr e smaorèr sia competenzes (livel Qcer B2/C1).

L cors per prinzipianc, da la regnèda de 12 ores, taca ite ai 10 de firé (ogne lunesc da les 20:00 a les 21:30) e l vegnarà metù a jir en prejenza da la dozenta Sabrina Pellegrin demò se sarà amancol 8 enscinué. L cost é de 60 euro, ma l é debant per i sentadins di comuns de Fascia che à manco che 20 egn.

L auter cors, chel de livel più aut, da la regnèda de 24 ores, tacarà ite ai 11 de firé (ogne mèrtesc da les 19:30 a les 21:30) e ence chest l vegnarà metù a jir en prejenza con amancol 8 enscinué, la dozenta l é Sara Merighi. L cost é de 100 euro, debant per i sentadins con manco che 20 egn.

I corsc vegn metui a jir te senta del Liceo Scientifich a Sèn Jan. La iscrizions per duc doi i corsc cogn vegnir fates dant che sie fora i 3 de firé. Per maor informazions e iscrizions se oujer a Daniela Vian, mail ufficioamministrativo@scuolaladina.com o telefon 0462 760340 int. 8.