La Usc di Ladins

Mencia manco che doi meisc a la Sellaronda Skimarathon e enstadì, a la Fiera Prowinter jun Busan, l Comitat de endrez, ensema a Dynafit, l brand spezialisà che da 15 egn se met apede al event de schi alpinism, l à prejentà la novitèdes de chesta 31^ edizion sul calandèr ai 14 de mèrz.

Prum de dut chela che l endrez de la Sellaronda Skimarathon l é stat tout su da pec meisc da la sozietà Gregn Evenc de Fascia e proprio te chesta ocajion Oswald Santin, che l é stat president per 15 egn, ge à passà l testamonech. Apede a el defat, a la conferenza stampa, l era ence Cristoforo Debertol, secretèr generèl de Gregn Evenc e de la manifestazion, ensema a Alessia Debertol che fèsc pèrt de la sozietà de Fascia.

Oswald Santin, prum atlet e ades con l’encèria de diretor tecnich, l à metù dant la neves per chesta edizion.

De più su La Usc stampèda de en vender ai 24 de jené.