La Usc di Ladins

Se arvejina l apuntament con la Olimpiades Milan-Cortina 2026 che tolarà ite ence la valèdes de Fiem e Fascia e che portarà n grum de sportives apede ai turisć che passa chiò sia vacanzes da d’invern. N muie de jent che rua te noscia valèdes vegn fora da l’autostrèda del Prener A22 a ‘Egna-Ora-Termen’ ma chiò mencia na indicazion stradèla con i inomes de la doi valèdes.
I presidenc de le ApT de Fascia Fausto Lorenz e de Fiem Paolo Gilmozzi, ensema al procurador del Comun General de Fascia Giuseppe Detomas e al president de la Comunità de Fiem Fabio Vanzetta, ge à manà na domana formala al AD de l'A22 de meter fora segnèi più chières canche se vegn fora da l’A22 a ‘Egna-Ora-Termen/Neumarkt-Auer-Tramin’ con la indicazion de la doi valèdes. Ence l conseier Guglielmi se à tacà ite con na proponeta de mozion per l Consei provinzièl de jir do al ejempie de ‘Chiusa-Val Gardena/Klausen-Grödental’.

De più su La Usc stampèda de en vender ai 24 de jené.