La Usc di Ladins

Sciöche vigni uniun, á ince chëra di Destüdafüch da Corvara orü ciaré zoruch al ann che é sté, tres la sentada generala, olache al ê söl program ince les lîtes dl consëi nü. Sciöche comandant dla uniun él gnü onfermé por i proscims 5 agn Helmut Thaler. Al ciafará sostëgn y aiüt dal vizecomandant Freddy Alfreider, che se á metü a desposiziun y che é gnü lité dai presënc. Por ci che reverda i atri 3 mëmbri dl consëi él gnü lité Simon Thaler, Aaron Planatscher y Luca Rottonara, che curiará por döta la legislatöra l’inciaria da comandanc de grup. Siegfried Costamoling é resté inant comandant de plotun (por todësch "Zugskommandant), tratan che Roman Crazzolara á ciafé la crëta da vizecomandant de plotun. Do 10 agn da scrivan, á Nikolas Seppi dé jö süa inciaria y ti l’á passada a Luca Rottonara. Patrick Agreiter é gnü reconfermé cassier dla uniun; sciöche responsabli de magazin se á indô metü a desposiziun Daniel Steinmayr, Marco Hafner y Michael Crepaz. L’ativité dl grup jonil gnará manajada dai verdajogn Valentina Frenademetz, Francesco Longhi y Alex Frenademetz.

Deplü sön la sentada generala ciafëise t’La Usc dl 31 de jená (Elisabeth Penazzi)