La Usc di Ladins

La sesta ancunteda ai 25 de jené fova bele l’ultima ancunteda de chësc campiunat per la terza scuadra, davia che l vën mé jughedes set ancuntedes y l Gherdëina 3 à n di liede avisa l ultim di de juech. I jugadëures à messù se tò su n viac lonch nchin a Niederdorf per jughé, contra una dla scuadres cuncurëntes per l podest tl campiunat. Kimo Prinoth y Josef Demetz fova i prims a finé y a vëncer, nscila fova l’ancun­ teda bele segureda cun la remis de Johann Großrubatscher. Cun chësta vënta de 2,5 a 1,5 ie l Gherdëina 3 śën sul segondo plazamënt. Mé una na scuadra possa mo ti tò chësta bedaia d’arjënt tl’ultima ancunteda. N possa perchël bele śën dì che l ie stat n campiunat de gran suzes per na scuadra, ulache ot di undesc jugadëures ova manco de vint ani.

La partida dla segonda scuadra à fat mel: l’autra scuadra, che ie chëst ann jita su tla liga A deberieda cun chëi de Gherdëina, ova juga­dëures scialdi stersc. Cun n fal suzedù abenëura te na pusizion che fossa stata bona, l à Klaus Knottner do mé 13 mosses data su. 

Per la Lia dal Scioh Gherdëina, Manuel Perathoner

L articul va inant tla edizion nueva de La Usc di Ladins de duman vënderdi ai 31 de jené.