La Usc di Ladins

Träume//Vanishing l é l titol de la mostra enaudèda en sabeda passèda te Tublà da Nives a Selva te Gardena dal artist da Gries Ismaele Soraperra, diplomà al Liceo artistich de Fascia e ades student a l’Academia de èrts a Bologna. A la prejentazion del percors espositif à tout pèrt sacotanta jent da Gardena e da Fascia, curiosa de veder i lurieres de fon spessor conzetuèl del joen fascian, che à concostà pesć e soscedà l enteres de la critica a livel nazionèl. La mostra, metuda fora sun doi livie tel elegant spazie espositif gardener, la é da poder vijitèr enscin ai 21 de firé. En cont di contegnui, ge aon fat dotrei domanes al artist, che ne à contà bolintiera e con bela maniera de so percors e sia idees.

Ismaele, dantfora ne diste vèlch de te e de to percors de studie?

Ge é 23 egn. Do aer studià al Lizeum artistich de Sèn Jan, son jit trei egn a Verona a l’Academia de Bela èrts. Endèna é fat ence 6 meisc de Erasmus a Anversa tel Belgio. Ades l é doi egn che son a Bologna, olache porte inant mia percors de laurea magistrèla e ence na produzion de mia enrescida artistica.

Podede lejer duta l'intervista su La Usc stampèda de en vender ai 31 de jené.  (Thomas Zulian)