La Usc di Ladins

Ai 17 de jené, dì nazionèl di lengac locai, l é stat na scontrèda emportanta per la comunanzes de lenga mendra del Friul. Tel palaz senta del Comun de Spilimberch per endrez de l'ACLiF (Assemblea de la Comunità Linguistica Furlana) che tol ite 150 Comuns e del Istitût Ladin Furlan Pre Checo Placerean l é stat metù a jir l convegn »Na tera cater lengac - passà, prejent e davegnir del plurilinguism tel Friul Unejia Giulia«.
Te chest chèder l é stat tout dant ence la situazion del plurilinguism del Trentin Sudtirol, tant a livel normatif che de prateghes concretes per la comunanzes che rejona i lengac ladin e germanofon.
Te chel che zachei à batejà »Pat de Spilimberch« l é stat dezidù de proponer n mudament del Statut de autonomia de la Region FVG acioche, desche te chel del Trention Sudtirol, la desferenzes linguistiches posse doventèr n fondament che se concretisea te na autonomia aministrativa e politica.

De più su La Usc stampèda de en vender ai 24 de jené.  (Lucia Gross)