La Usc di Ladins

L era da desvalives egn che te Fascia nesciugn doventèa menacrep. »L era« dalajà che dal prum de jené Giorgia Felicetti da Ciampedel l’à scomenzà a lurèr da aspiranta menacrep. Fia d’èrt, clas 1998, ti egn passé l’à tout pèrt a garejèdes de corsa e schi da mont; dal 2021 la fèsc pèrt de la Stazion de socors la Val de sora e la é ence ti Ciamorces. »Tel socors son operatora semplize. Aesse podù fèr i corsc per doventèr tecnich, ma é volù i lascèr al an che vegn per me fèr ite polito tel lurier de menacrep. No me sente amò vertia e cogne fèr esperienza«.

La fegura del aspirant menacrep l é na ritajon che vegn ca da la fegura del trogher: »No l é gran desferenza dal menacrep. Se jisse a lurèr a la foresta, cognesse vegnir compagnèda da n menacrep o no posse compagnèr da soula sul Mont Blanch o sul Cervino, per dir. Al scomenz del Nefcent l trogher l era chel che portèa i russoches: chesta fegura la é restèda ma tel davegnir fazile la mudarà. Per doventèr menacrep, passé amancol doi egn, cognaré portèr dant na relazion che desmostre che é lurà e fèr vèlch ejam integratif«.

Coscita l é peà via noscia ciacolèda con Giorgia Felicetti.

Podede lejer duta l'intervista su La Usc stampèda de en vender ai 24 de jené.

 (Nicoletta Riz)