La Usc di Ladins

Dai 16 ai 19 de dezember te duta la classes de la Scola Ladina de Fascia, da la populères fin a la scola auta, l é stat endrezà la tradizionèla regoeta de magnadiva che à tout su l inom »Vivi e lascia viveri«.

La scomenzadiva à tout ite duta la comunanza de la scola, con n sistem ben endrezà: i studenc é stac envié a portèr vigni dì n prodot spezifich, desche farina, pasta, ris, zucher e auter.

Responsaboles del projet chest an l é stat la doi quartes del Liceo Scientifich, che les se à dat ju per meter a jir e gestir l lurier de regoeta con la colaborazion preziousa de la sociazions Freinademetz e Operazione mato Grosso, che da n muie de egn les porta inant scomenzadives per didèr la popolazions più puretes.

De più su La Usc stampèda de en vender ai 24 de jené.  (Pietro Vanzo)