La Usc di Ladins

La biblioteca Tresl Gruber à nce tl 2024 cialà de pite de uni sort de manifestazions, per uni fascia de età, cunlauran cun d'autra lies y cun i mutons y la mutans dla Cësa di pitli nchin ala scola. Oradechël iel chëst ann unì valutà la biblioteca nstëssa da reprejentanc de Bulsan, na cossa che vën a s'l dé uni trëi ani. Ai 18 de dezëmber fòvela tan inant, la biblioteca à giapà per l cuinto iede l zertificat »Hallo Biblioteca«. Chësc ie n zertificat che vën dat ala biblioteches publiches sce les arjonj i 49 standarts che la Pro vinzia de Bulsan scrij dant. Tres chisc standarts vëniel valutà l cunzet dla biblioteca, sce l
vën pità media che spidlea l nteres dla populazion, la furmazion dla bibliotecheres dla nfrastrutura, la prumozion ala letura, la manifestazions
ntan l ann y mo d'auter.