La Usc di Ladins

N muion ciacola de balon e ti ultimes tempes, co la Sinner mania, ence de tennis. Valgugn rejona de basket, de volley, de nodèr e ence atletica. De gra a la prestazions superlatives de Sofia Goggia, Federica Brignone e de etres campions te la garejèdes su la neif e su la giacia, ence i sport da d’invern i à semper maor lèrga anter la jent e sui social.

Anter duc, l é semper più pascioné che rejona ence de SkiMo. No demò percheche chisc l é i meisc giusć per jir sa mont co le pel, ma soraldut percheche – per la pruma outa te la storia – l an che vegn ai Jeghes Olimpics de Milan-Cortina 2026 l Ski Mountaineering, più cognosciù anter la jent col inom de Skialp,sarà sport che dajarà fora medeas.
L é nasciù coscì ‘LETSgoSKIMO’, na lingia de diesc trasmiscions che te chesta ultima setemènes les à tacà a empienir ite l web de neves e curositèdes sul schi da le pel.

De più su La Usc stampèda de en vender ai 31 de jené.  (Thomas Zulian)