Por i zidladus de ciavai él ala fin d’aurí n apuntamënt important da se scrí sö. A Neumarkt vëgnel tigní l’iscriziun tl liber genealogich dles polorines haflinger y noriches de trëi agn, tan co chëres nasciüdes dl 2021. Zidladus da piz a ciantun de nosta provinzia condüj alerch les polorines plü beles, por les lascé valuté da na juria de esperc. Dai 26 ai 28 d’aurí ésera indô stada tan inant, y sciöche ara é bele stada plü gonot, á i zidladus dla Val Badia indô fat gran parüda.
Tla categoria dla raza haflinger él gnü porté dant en chësc ann bëgn 145 polorines, de chëres che ma 49 á ciafé la valutaziun plü alta, la IB che corespogn a "dër bun". La plü bela de dötes é indere stada la ciavala "Elodie AT" dl zidladú Thomas Alfreider da Calfosch, che s’á n iade implü assiguré n resultat da podest. Dlungia la ligrëza tla categoria dles haflinger, á i zidladus dla Val Badia ince podü se ralegré te chëra dles noriches. Danter les 25 ciavales portades dant, i é le pröm post jü ala ciavala "Felina" dl zidladú Stefan Zingerle da San Martin de Tor; al terzo post, y insciö ince sön podest, s’á plazé la ciavala "Flora" de Christian Nagler de Badia.
Deplü ciafëise t’La Usc di Ladins di 10 de ma (pablo)
I "ciavaliers" ladins fej gran parüda
Les ciavales plü beles vëgn indô dala Val Badia. Tla ultima fin dl’edema d’aurí él indô sté a Neumarkt l’iscriziun tl liber genealogich dles polorines haflinger y noriches. Trëi podesć ladins
Galaria retrac
View the embedded image gallery online at:
https://www.lausc.it/valedes-ladines/val-badia/27072-i-ciavaliers-ladins-fej-gran-parueda#sigProIdc72f46f736
https://www.lausc.it/valedes-ladines/val-badia/27072-i-ciavaliers-ladins-fej-gran-parueda#sigProIdc72f46f736