Te la setemèna che tol ite l dì internazionèl del lengaz de la mère, proclamà dal ONU ai 21 de firé, se à dejout la 4^ edizion de la setemèna internazionèla del lengaz romanc (Emna rumantscha), endrezèda dal DFAE, l Departiment Federal di Afares Foresć de la Svizera, en colaborazion col Cianton di Grijons e la Lia Runamtscha tel Zenter Svizer de Milan.
Na ocajion per meter a confront sistemes economics con n eie ascort a inovazion e sostegnibilità, vardan ence a la »Fashion Week« de Milan, ma ence per uzèr fora l baratament e i raporc linguistics. En lunesc ai 19 de firé, tel event dal titol »Dalle parole alle idee: sei regioni svizzere e italiane in dialogo« l romanc, lengaz ofizièl te la Svizera apede a todesch, franzous e talian, se à conjobià coi doi lengac reto-romances de la Tèlia, l ladin dolomitich e l furlan, tolan ite ence la performances artistiches de joegn de lengaz desferent che studia tel Istitut Svizer de Milan.
La manifestazion à metù al luster l valor e la richeza de na realtà plurilinguistica, descheche l é apontin chela de la Svizera ma ence chela de la Region e de la Provinzies autonomes del Friul, de Trent e de Busan, descheche à sotrissà l Conseier federèl Ignazio Cassis, a cef del DFAE e promotor del event.
De più su La Usc stampèda de en vender ai 23 de firé. (LG)
L romanc sun paladina a Milan
A la scomenzadiva te la setemèna internazionèla del lengaz del Cianton svizer di Grijons à tout pèrt ence i raprejentanc ladins Luca Guglielmi e Daniel Alfreider.
Galaria retrac
View the embedded image gallery online at:
https://www.lausc.it/atualite/26531-l-romanc-sun-paladina-a-milan#sigProIdbe6da58d9b
https://www.lausc.it/atualite/26531-l-romanc-sun-paladina-a-milan#sigProIdbe6da58d9b