I resultac de na inrescida scientifica desfirada tl’Australia y publicada da »JAMA Pediadrics« por l’influs di media eletronics söl svilup dl baié y dialoghé di mituns y dles mitans dai 12 ai 36 mëisc fej la roda dl monn, ajache ai ne lalda nia la competënza linguistica de chi mituns y de chës mitans che á consumé fora de mosöra tablets y d’atri aparac digitai cun monitors. Cun 36 mëisc, insciö le stüde, á i mituns y les mitans por vigni menüt d’esposiziun al tablet implü aldí 6,6 parores demanco dai geniturs/adulc, á fat 4,9 vocalisaziuns demanco y é gnüs trac ite te 1,1 cuntejes demanco. Chësta descurida, insciö le stüde, acorda cun le conzet de tecnoferënza y cun la leteratöra
danman, che baia tler che l’aumënt dl tëmp passé dan al monitor smendrësc les interaziuns genitur-fi/a. Sëgn ésera insciö che l’Organisaziun Mondiala dla Sanité aconsiëia por i mituns y les mitans de 3 agn na adorada dl tablet de al plü 1 ora al de, mo le stüde australian dij spo che i mituns y les mitans podess perde (cun chësta ora al de) zirca 397 parores, 294 vocalisaziuns y 68 unités de conversaziun al de.
(Comentar de Iaco Rigo)
De plu tla edizion stampeda de La Usc di Ladins o sun l e-paper a paiament www.lausc.it/e-paper