Vire te nüsc paisc é tres plü cer. I prisc di grunc y dles imobilies dles localités turistiches dla Val Badia y de Gherdëna é i plü alc tla provinzia. De chësc s’un sint ince la jënt dl post. Na ciasa de proprieté devënta por tröc na fata morgana y i prisc di afic é oramai »ales stëres«. Por ti garantí cuatiers ala jënt dl post sperân tles abitaziuns convenzionades, madër che ince chëres é ceres, y lapró vëgneres ion afitades a sciori: an davagna deplü, i controi é püc y »al convëgn« da paié les straufunghes. La lege conzed da lascé ite tles abitaziuns convenzionades ince personal che laora, tan inant che al é n contrat regolar. Y deache le personal da foradecá é tres deplü, cis tl turism, crësc le bojëgn do lerch y cuatiers. Al sozed tres deplü che cuatiers convenzioná vëgn tuc en afit tres ostis, che hotí nen cumpra sö o destinëia frabiches intieres por chësc fin. Por la jënt dl post na con corënza implü.
La tematica unse traté plü avisa t’La Usc di Ladins di 19 d’aurí, olache i aldiun ince la usc dl surastant dla Uniun Ostis de Badia Markus Valentini y dl ombolt de Mareo Felix Ploner
(pablo)
Abitaziuns convenzionades: sciori y personal vs jënt dl post
La jënt dl post ne l’á nia saurida da rové pro n’abitaziun, gnanca chëres convenzionades. Y sëgn él ince le turism che adora tres plü lerch, por so personal
Galaria retrac
View the embedded image gallery online at:
https://www.lausc.it/valedes-ladines/val-badia/26975-abitaziuns-convenzionades-sciori-y-personal-vs-jent-dl-post#sigProIdc5b732e654
https://www.lausc.it/valedes-ladines/val-badia/26975-abitaziuns-convenzionades-sciori-y-personal-vs-jent-dl-post#sigProIdc5b732e654