La Usc di Ladins

Le campionat dl chidlé s’arjigna bel plan da jí a piz. En vëndres él sté la penultima partida, olache le Mareo á soghé te ciasa a Al Plan le derby cuntra le Gherdëina. Da d’altonn êl sté i gherdënes che â davagné por 8 a 0; en chësc iade él i maroi che ti l’á retüda y s’á metü a saul la devënta por 7 a 1.
Le secundo derby é sté pro le campionat dl palé de terza categoria, olache le ACD Val Badia á soghé te ciasa cuntra la scuadra dla US La Val. Al é sté na partida che á odü na bela sfilza de goi. Le plü n’á fat la scuadra dla Val Badia, che á davagné por 4 a 2. Devënta ince por la scuadra dl ASC Mareo B, che á batü te ciasa i aversars da Falzes por 3 a 2. Manco bun ti ésera jüda ala pröma scuadra dl ASC Mareo, tl campionat de pröma. Tla partida sogada te ciasa cuntra Lijun á i ladins messü se dé sot por 0 a 2.

Chidlé
Mareo – Gherdëina: 7 – 1

Palé 3. cat.
Val Badia - La Val: 4 - 2
Mareo B - Falzes: 3 - 2
Recuper Valdaora - Mareo B: 2 - 0

Palé 1. cat.
Mareo - Lijun: 0 - 2

 (pablo)