La Usc di Ladins

Dotours
Dutor Gherdëina
L dutor de servisc da n sada ai 04.05. dala 08:00 daduman nchin la 08:00 daduman de n lunesc ai 06.05. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 4 y 5 de ma él en sorvisc tla Val Badia la doturia Stefania Febbraro, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 03.05. nchin n vënderdi ai 10.05. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 3 de ma dales 19:00 al vëndres ai 10 de ma ales 19:00, é chëra da La Ila, tel. 0471 847152.

Avisc
Atualmenter
Mostra de Franz Dantone Pascalin
Te Palaz Trentini a Trent l é fora fin ai 16 de mé na mostra de fotografies de Franz Dan­tone Pascalin da poder veder fin ai 5 de mé duc i dis da les 10:00 a les 13:00 e da les 14:00 a les 19:00 e dai 6 ai 16 de mé dal lunesc al vender coi medemi oraries, de sabeda demò da doman.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Diggy-Treff«
Ëis’a dumandes n con’ de vosc computer, de programs o per la nstalazion de na soft­ware? Tulëde pea vosc fonin, tablet o laptop y unide te biblioteca S.Durich a Urtijëi. N lunesc ai 6, 13 y 27 de mei dala 15:00 ala 18:00 y de juebia ai 9, 16 y 23 de mei dala 9:00 ala 12:00 sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Urtijëi.
04.05.
Prejentazion liber »Ciantons«
En sabeda ai 4 de mé, tel chè­der de la scomenzadives de l’Aisciuda Ladina, te Oratorie de Poza da les 15:00 vegn endrezà la prejentazion del liber de cartolines »Cian­tons« de Nicoletta Riz, dat fora da l’Union di Ladins de Fascia. Sarà musega e n marin­del.
05.05.
Raida sun

• 
•  

View the embedded image gallery online at:
https://www.lausc.it/manifestazions-y-evenc/27046-manifestazions-atuales#sigProId523d8a2655

Sela
En domenia ai 5 de mé, tel chèder de la scomenzadives de l’Aisciuda Ladina, l’Union di Ladins de Fascia endreza na raida sun jouf de Sela. Se se troa da les 9:30 sun Pian de Frataces. Chi che vel pel jir su col auto, se se troa sun Sela da les 11:00. L é da se tor do zeche da magnèr per fèr prozait. Per info 0462 764545.
06.05.
Lia di Filatelisć – festa per l presidënt da dant
La Lia di Filatelisć, Numis­matics y Vedla Chertes de Gher­dëina se anconta per festejé l presidënt da dant, Helmuth Kasslatter, tla Bar 2000 a S. Cristina dala 20:00.
07.05.
Ujes averc a la coa de Soraga
La Coa per i fantolins de Sora­ga averc si ujes a duc i geni­tores e a la comunanza per fèr co­gnoscer l servije, i lesc, la educatores e la ativitè­des, en mèrtesc ai 7 de mé da les 15:30 a les 17:30. Info al numer de telefon 0462 836231.
09.05.
Senteda generela dl Club Nudé Gherdëina
N juebia ai 9 de mei tenirà l Club Nudé Gherdëina si senteda generela. N se urterà dala 20:00 tl local Saut dla NJG a Urtijëi. Ntan la senteda unirà nce dat pro l statut nuef. L Club Nudé Gherdëina nvieia duc i cumëmbri y la cumëm­bres y chi che ie nteressà a chësc sport.
9-11/05.
Scontrèda e raida te la Val de Sora
Tel chèder de la scomenzadives de l’Aisciuda Ladina vegn endrezà na scontrèda e na raida te la Val de Sora per cognoscer l teritorie e i inomes de lech. En jebia ai 9 de mé da les 20:30 te sala de Consei de Comun de Cianacei coi vardabosch Stefano Coter e Paolo Verra. En sabeda ai 11 de mé da les 9:30 se se troa lo da la Sia de Penia e se va con n pulmin sun Pecol per vegnir ju deretorn a pe.
10.05.
Repair Café
Smaché? Nianca da pensé! La Lia per Natura y Usanzes, nvieia al Repair Café, na an­cunteda ulache n possa se lascé cuncé da esperc y esper­tes stofs, guanc, aparac eletrics, rodes y bagli y nce lascé fé tai ai curtiei. L apunta­mënt ie ai 10.05. dala 17:00 tla sala de Chemun a S. Cristina.
10.05.
San Martin: udiënza dla defensuria popolara
La defensuria popolara o süa sostituta tëgn udiënza a S.Martin de Tor, tl salf di stöda­füch, en vëndres ai 10 de ma dales 14:00 ales 17:00. Por prenotaziuns: 0471 946020. Les proscimes udiënzes de chësc ann a San Martin é spo ai 12 de messé, 13 de setëmber y 8 de novëm­ber.
Family Support te Gherdëina
N aiut per families jëunes che à de bujën de n pitl aiut cun si pitli:a mutons:ans (nchin a n ann): na grupa de ëiles che dà ca si tëmp liede, trëi ëura al’ena. Infos: gherdeina@family-support.it o pra l cuordi­­nadëur Marco al 324 0216529.

Temp Lede
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
03.05.
Stories de 15 menuc
Tla biblioteca de S. Durich a Urtijëi liej Milena dant na storia per per mutons, ncuei, vënderdi ai 3 de mei dala 15:00.
09.05.
Domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 9 de ma dales 15:30 ales 17:30 a La Ila. Te biblioteca pó pici y gragn passé n domisdé cun na cerna de jüc da mësa. N espert dá consëis y spliga les regoles. Al é ince la posci­bilité da s’impresté fora jüc.
09.05.
Presentaziun dl liber »Les capeles da paur dl Südtirol«
En jöbia ai 9 de ma dales 20:00 presentará la scrituria Margot Schwienbacher cun la presi­dënta dl’Uniun dles Patrones dl Südtirol Antonia Egger so liber »Les capeles da paur dl Südtirol«. Musiga acompagnará la presentaziun, che se desfirará por todësch, tla Biblioteca Sas dla Crusc a La Ila.
10.05.
Sëira de Fox
La Grupa da Bal Populer de Sëlva y S. Cristina nvieia a unì a balé Fox, n vënderdi ai 10 de mei dala 20:30 tla Sala Raiffeisen a S. Cristina.

Referac
04.05.
Cosmetica naturela – workshop
La biblioteca de S. Durich a Urtijëi nvieia a chësc work­shop cun Karin Angelika Planker, ai 4 de mei dala 09:00 inant nchin la 12:00. Iscrizions: 0471 797814 o info@biblio.bz.
05.05.
Aurona Ores e picola boles
En domenia ai 5 de mé da les 17:30 al Dolomiti Exclusive, strada Dolomites 55/A a Sèn Jan, cater imprenditores fascè­nes prejenta sia atività: Katiu­scia Rasom e Carlotta Nemela de Aurona Ores, Manuela Belli de Dolomiti Exclusive e Elena Vian personal chef de Private Chef Experience. Preno­tazions a info@dolomiti exclusive.com, tel. 340 789 9094.
07.05.
Prejentazion dl liber »Dialog – Kraft der Veränderung«
La prejentazion dl liber – che trata de co fé funziuné nosta relazions – ie n merdi ai 7 de mei dala 20:00 tla biblioteca de San Durich a Urtijëi. Refe­rënc: Jutta Wieser, Benno Kapelari. N cunlaurazion cun la Lia Gaia.
06.05.
Berstot per genitores
La lia Gaia nvieia a chësc workshop per genitores cun la referënta Linda Faconti (psicologa y cunsulënta de prim aiut emoziunel) y Heinz Senoner (cunsulënt per fami­lies. La scumënciadiva à l fin de renfurzé genitores te si vester genitores. De ndut saràl trëi ancuntedes, la prima ai 6 de mei dala 20:00 tl self »Matada« tla Cësa di Cungresc a Urtijëi, n con dl argumënt »Mi muntons:ans y ti mustré su cunfins«. Iscrizions sun www.pro-gaia.net.
07.05.
Dëuc y sann
L KVW Urtijëi mët a jì chësc referat n con’ dl drë’ maneja­mënt dl zucher, cun cunsëies y alternatives, cun la referënta Silke Runggaldier, ai 7 de mei dala 20:30 te Calonia a Urtijëi.
08.05.
»Süßes Glück« – prejentazion
La biblioteca de S. Cristina nvieia ala prejentazion dl liber de rezetes de spëisa dëucia de Bettina Faoro, n mierculdi ai 8 de mei dala 20:00.
15.05.
»Arpejun – testamënt –soze­sciun ereditara«
En mercui ai 15 de ma dales 20:00 vëgnel tigní tla Ciasa Runcher a Badia n referat da pert dl avocat Paul Maieron, cun le titul »Arpejun – testa­mënt – sozesciun ereditara«. Le referat é por ladin. Organi­sa­­ziun: KVW Badia, l’entrada é debann.

Teater
03/09.05
Teater de »La Mizacoles«
L grop de teater »La Miza­coles« porta dant amò la come­dia »La badante del giaf«: insnet, vender ai 3 de mé da les 20:30 te teater oratorie de Poza e en jebia ai 9 de mé semper da les 20:30 a La Gran Ciasa a Soraga.
08.05
Teater di Bontemponi
L grop de teater I Bontemponi met dant la neva comedia dal titol »Al piec no l é mai fin« en mercol ai 8 de mé da les 20:30 te teater oratorie de Poza.
11.05.
Cëna cun teater criminal
Le Consëi de formaziun dl Comun de Corvara mët a jí en sabeda 11 de ma dales 19:30 tl salf dles manifesta­ziuns a Corvara na cëna cun n teater criminal, olache le publich é invié da stomé chi che é l’assassin dla storia, che sará da odëi sön paladina tratan cëna. Rejia de Erika Castlunger. Al jobelnëia Lucia Cirella, Marco Moscon, An­dreas Peccei, Tobias Stampfer y Susann Tavella. Rejia de Erika Castlunger. Infos y prenotaziuns pro Sonia al 349 1588485.
11.05.
Spetacol de teater de Loredana Cont
Va inant la rassegna NavalGEI a teater. En sabeda ai 11 de mé da les 20:45 la filodra­matica Concordia 74 de Povo met dant la comedia dal titol »Colpa dei crauti e dell’amor« de Loredana Cont.

Festes
04.05.
Mujiga ladina do i Mundiei de hockey
Dan stadio Palaonda de Bulsan, do l’ultima partida dla Talia di Mundiei de hockey, che ie dala 16:00, saràl la festa cun mujiga de DJ Simon dan y do i Pëufla, che sunerà dala 20:00 nchin la 22:00.

Mostres y Ert
Atualmënter
Mostra: »Zement tl ciorvel y d’atres stories«
Mostra de Fabian Feichter d’Al Plan, en colaboraziun cun Youlee Ku, tla Stadt­Galerie da Porsenú (Große Lauben nr. 5). Ara é da odëi cina ai 8 de jügn, dal mertesc al vëndres dales 16:00 ales 19:00, la sabeda dales 10:00 ales 13:00; tratan le Water Light Festival dai 24.04. ai 12.05. ésera ince daverta vigni de dales 21:00 ales 23:00.
04.05.
Anvidalfarei y Sprotte tl Museum Ladin
Le Museum Ladin Ciastel de Tor inviëia chësta sabeda ai 4 de ma dales 11:00 ala presentaziun dla istalaziun »TOR« de Lois Anvidalfarei. Dales 11:30 vára inant tla tor dl ciastel cun la daurida dla mostra »Siegward Sprotte. Nord süd, la geografia dl’ert«. La mostra sará spo da odëi cina ai 30 de setëmber.

Chino
Atualmenter
Al chino de Tieser
Insnet, vender ai 3 e sabeda ai 4 da les 21:15 e domenia ai 5 da les 20:30 l é »Challen­gers«, en jebia ai 9 da les 21:15 l é l documentarie »Food for profit«. Program su www.cinematesero.com

Sport
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.

Televijion
Atualmënter
Tg

• 
•  

View the embedded image gallery online at:
https://www.lausc.it/manifestazions-y-evenc/27046-manifestazions-atuales#sigProId523d8a2655

Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
07.05.
Pizes dla Ladinia
Dales 20:50 ca. Trasmisciun de Manfred Stuffer y Hans Peter Karbon, a cura de Ales­sandro Dapunt.
08.05.
Df: Vester oma y l mit dla maternità
Dales 20:50 ca. L mit dla maternità ne mët nia mé sot a prescion truepa ëiles che ne à degun mutons ma nce truepa umans. Dantaldut tla fasa do l pert possa l’aspietadives sozie­les y persuneles gaujé problems scialdi plu griefs che no n pitl babyblues. Ruje­nan cun esper­tes y umans mët Laura Moro­der tla lum l pëis a chël che truepa umans ie sometudes y la ti fej curaje acioche les posse abiné si legrëza tl vester oma delà da normes sozieles y giudi­zies. Program de Laura Moro­der, a cura de Anna Mazzel.
09.05.
Nosta scola
Dales 20:50 ca. Atualità dala scoles dla valedes ladines. Tesc de Lena Mulser, regia de Hans Peter Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
08.05.
Eies averc su la Dolomites
Dales 13:45 ca. A Trent, tel chèder del Trento Film Festi­val, enscin ai 16 de mé restarà averta na mostra che, tras i retrac del fotograf Franz Dan­tone Pascalin, la ne rejonarà de l’èlba de la fotografia e la ne darà l met de descorir coche é nasciù chel valor universèl de la Dolomites che i les reco­gnosc desche »Patrimonie Mon­dièl«. N rejonon con Sabrina Rasom, diretora de l’Istitut Cultual Ladin Majon di Fascegn e con Mara Ne­mela, diretora de la Fondazion Dolomiti Unesco. Conduzion Cinzia Pistoia.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
03.05.
La snesa dl cian
Dales 19:05. Canche l ie debu­jën de jì a crì na persona de di o nce de nuet pona se da­manden suvënz nce l nter­vënt de grupes de sucors cun i cians. Nce te Gherdëina iel na grupa cun cians nseniëi ju aposta per jì a crì y debe­rieda cun la presidënta Ellis Kasslatter y si vize Sonja Seno­ner mparons a cunëscer l’ati­vità dla lia y l lëur che l cian fej, coche l vën nsenià ju y coche l se astiela canche l muessa crì. Tras­miscion: Alex Runggaldier.
04.05.
Momënc de vita – intervista a Sonia Piccolruaz
Dales 19:05. Sonia Piccolruaz é chersciüda sö a Corvara olache ara vir ciamó aldedancö y ara laora tl ciamp dl turism. Sonia nes cunta dla scora ele­mentara, dl mudamënt dl zënter dl paisc y dantadöt de sües gran pasciuns, che ara fej te so tëmp lëde, sciöche le jí a pé, le cianté y organizé tröpes cosses cun le Consëi de Formaziun da Corvara. N program de Erika Castlunger.
05.05.
Simon Kostner, campion de hockey
Dales 19:05. Chëst ann ti iela jita fata de vëncer doi cam­piunac de hockey: l »scudetto« dla A y la »Alps Hockey Lea­gue«. Simon Kostner, l capitan di Rittner Buam, nes conta de coche à metù man si cariera de hockey, cieche fej ora n campion y coche la jità inant cun si atività da sportif. Tras­miscion de Stefano Zanotti.
06.05.
Na muntaniola coche cumpània
Dales 19:05. Annita Delucca de Sëlva à fat na amezizia dl dut particulera. Per bën 6 ani ie Titola, na muntaniola che vivova sota Piz ciavazes, al plesc dla grupa dl Sela, stata si cumpània. Program de Leo Senoner.
08.05.
Ercabuan, i colores de la pesc: Operazione Colomba
Dales 19:05. La sociazion Ope­razione Colomba nasc tel 1992 aldò del besegn de valgugn anter i volontadives e obietores de coscienza de la Comunità Papa Giovanni XXIII de viver concretamenter la nonviolenza te raions de vera. L’idea de basa l é che la nonviolenza l é l soul met per ruer a na pesc vera che se poja su verità, giustizia, perdon e riconciliazion luran su la rela­zions. En rejonon con Nadia Cadrobbi, program de Anna Mazzel.
09.05.
Elegant y gaiert: le ciaval
Dales 19:05. Te chësc program ti junse do ales pedies y al svilup storich de n tier che da vedlamënter incá á acompagné la porsona tl laur, tl trasport, te vera, tl sport y incö ince tla terapia. N program de Sara Frenner.

Sozial
Atualmenter
Scontrèdes de confront su la sozietà che muda
L Servije Sozio-assistenzièl del CGF met dant amò doi scontrèdes de confront »Per na sozietà che muda«: en jebia ai 16 de mé da les 20:30 te sala grana del Comun General rejona l dotor Salvatore Mas­saro e la dotora Margherita Oss Emer e en mercol ai 22 de mé l é la dotora Federica Scarian.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherd­ëina a se nuzé de chësc servisc che vën pità uni merdi dala 12:00 ti trëi luesc de Gher­dëina (Urtijëi Cësa de Cultu­ra; S. Cristina Cësa de Che­mun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Religion
Atualmënter
Mësses a Oies
Al vëgn lascé alsavëi che al é sté mudaziuns pro i orars dles mësses a Oies. Dal mertesc ala jöbia él mëssa dales 19:30, dal vëndres ala domënia ésera dales 16:00. Le lönesc n’él degüna mëssa.
04.05.
Al Plan: Preparaziun dl Bato
La Uniun dles Ëres dl Decanat Val Badia inviëia geniturs che á n viadú da batié, pêrs che aspeta, toc y totes dl decanat ala preparaziun dl Bato, en sabeda ai 4 de ma dales 15:00 ales 17:00, te salf de calonia d’Al Plan. Le de vëgn stlüt jö cun n pice renfrësch arjigné dala Uniun dles Ëres d’Al Plan. Prenotaziuns al 328 0717796.

Cursc
Atualmënter
Mparé a nudé
L Club Nudé Gherdëina fej al savëi che l vën inò pità cursc de nudé de mei y de juni, per mutans y mutons dla scolina y dla elementera. Plu nfurma­zions sun la plata internet dl club. Cun la »Val Gardena Club Card« giàpen śën n sconto dl 10% sun la ntreda.
08.05.
Les »regoles dal gosté« dla doturia Kousmine
Le KVW da La Pli organisëia n curs de »Regoles dal gosté dla doturia Kousmine«, cun Gertrud Oberbacher. Le curs é en mercui ai 8 de ma dales 20:00, te Ciasa dles uniuns a La Pli. Le cost é de 10,00€ (5,00€ por i scric ite). Informa­ziuns y prenotaziuns pro Barbara al 347 9941857.

Mujiga
11.05.
Cunzert per l di dl’oma
La Mujiga de S. Cristina nvie­ia a si cunzert per l di dl’oma n sada ai 11 de mei dala 20:45 tla palestra de S. Cristina.