La Usc di Ladins

Les temperatöres che vëgn tres plü gonot tres plü cialdines nes dij che al é bel plan ora da mëte i schi te cianoa. Mo ciamó denant che stlü ia daldöt la sajun sön pista, á le Schiclub d’Al Plan metü a jí la Gara dai schi de Mareo, olache gragn y pici á passé n bel de de devertimënt. Pordërt êra söl program le Lönesc de Pasca sön la pista "Pedagá", mo deache en chël de jutâl, án sburlé la gara y l’á tignida en sabeda dan otedé, sön l’ultim toch dla pista Pre da Peres. Danter gragn y pici n’él sté na dërta cumpëda che s’á mosoré te na gara che ê dantadöt de compagnia, desfirada sot a bel tëmp y temperatöres scialdi cialdines. Tut pert á chi 180 partezipanc y partezipantes, che é gnüs partis sö te 20 categories: por valch él sté n percurs plü cört. Le plü asvelt de düc é sté tles categories maschiles le jonin Marco Trebo cun 28,55; tles categories feminiles él sté Mia Kastlunger cun 28,74.

Val’ atres coriosités, sciöche ince i mius de vigni categoria, ciafëise t’La Usc di Ladins di 12 d’aurí  (pablo)