La Usc di Ladins

L prim di fòvel la garejeda de massa tla tecnica liedia sun na trassa danter un n chilometer per i mëndri y 12 chilometri per i majeri. I purtoies fova njiniei ca mo a puntin nce sce l semiova plu ansciuda che no inviern.
L Schi Club Gherdëina à arjont doi tituli da campions provinziei cun Katharina Senoner tla U10 y Matteo Senoner tla U14. Vize campions ie ruvei Alan Piazza, Linda Kostner y David Hofer. La dumënia fòvel pona l di dla
stafetes, che valova ënghe coche Campiunat Provinziel. L ie unì garejà dla tecnica liedia, te uni stafeta messòvel vester almanco una na muta. Chësc à fat la garejeda da bestia nteressanta, sibe per i atlec
che per l publich. Drë' de bon resultac à arjont nosc atlec, cun la vënta dl titul tla categuries U10, U14 y U16 y da vize tla U12.

Per l Pudejé Gherdëina, Cristina Kelder

L articul tla edizion de n vënderdi ai 19 de auril de La Usc di Ladins.