La Usc di Ladins

No podea esser mior fin de setemèna da d’aisciuda per l Trofeo bienal no consecutif »Memorial Franco Favé«, endrezà per la seconda outa da l’A.N.A. Auta Fascia, sezion con a cef Christian Dantone tanche reconfermà te l’ultima litazions. 

Chela jita en scena sui Pians de Gherdecia en sabeda ai 6 de oril l é stat na garejèda de slalom lèrch a chel che à tout pèrt n centené de jent, anter gregn e picoi. L é stat n event da peconc, lo che i atlec i se à dat batalia sui portoes de Belvedere, ma bensegur ence na dì gustegola e na ocajion de stèr en compagnia. 

L piazament mior l é stat de Filippo Romano, clas 1992 a inom del Grop de cèsa, che l é ruà al travert te pech manco che un menut, col mior temp de 50’’85.

De più su La Usc stampèda de en vender ai 12 de oril.  (NICO)