La Usc di Ladins

A Ciampedel, te cèsa de Loredana Rizzi e de sia familia del Faure, l é stat tegnù su dassen polito tredesc eves, da Pèsca, entenc de roan e fosch e decoré a man zis de fin. 

Che èi pa de spezièl? Ve domanarede voetres. Se ve dijesse che i à più che 100 egn? Apontin l più veie l à scrit su l an 1922, l ultim, chel più vejin a nos, l 1935. L é dalbon de picola operes d’èrt con scrit su pensieres, anter i etres: »Ricordo della Santa Pasqua Canazei 1922«, »Buona Pasqua 1931 Canazei Fassa«, »Ricordo di Canazei 1924«. Su presciapech duc chenc l é dapodò su de bie dessegnes fac a man: fiores e colombes, Gejù Crist che l ge vèrda a vèlch rai de lum che vegn ju dal ciel, o amò na crousc con dintornvia la scrita de la »Azione Cattolica Italiana.« 

A i tor te man i é belebon lijieres, no i é fac de legn: a i scassèr con maniera se sent laite se mever na balota, l ros del ef dur e sech. »I deve i aer sbujé e aer trat fora l’aria, se no i fossa jic a de mèl«, me conta Loredana. 

De più su La Usc stampèda de en vender ai 29 de mèrz.  (Nicoletta Riz)