Sul fenir de la sajon de turism, te noscia rubrica del retrat da zacan de La usc di Ladins aon publicà n retrat dassen enteressant, enceben che fazile sie senester cognoscer fora la persones. Chest retrat ne é stat portà da Zili Weiss, enciasèda a Moena ma de naa da Tamion, che la ne à dit che l era stat fat en ocajion de n cors de cojina endrezà apontin te la picola vila sora Vich, presciapech entorn l 1940. Se pel veder che sul frabicat l era na tabela con scrit su »ONAIR – Scuola Rurale«. La sigla ONAIR stajea per Opera Nazionale Assistenza Italia Redenta, e la era outa apontin ai teritories doventé taliegn.
Envion duc nesc letores a ne dir se i sà vèlch de più sun chest e rengrazion duc chi che tol pèrt a chesta rubrica e i ne deida a meter ensema vèlch mizacola de storia.
Per responer desche semper se pel manèr na mail a: fascia@lausc.it o chiamèr l numer de telefon 0462 764545: podede responer enscin en mèrtesc ai 9 de oril. (LG)
Chi él pa?
Ve meton dant l retrat che é stat publicà l ultim numer de La Usc di Ladins, vegnù fora inant Pèsca, ai 29 de mèrz, e ve envion a ne dir se saede vèlch sun chesta entererssanta piata de storia.
Galaria retrac
View the embedded image gallery online at:
https://www.lausc.it/valedes-ladines/fascia/26836-chi-el-pa#sigProIdd490f1e0a5
https://www.lausc.it/valedes-ladines/fascia/26836-chi-el-pa#sigProIdd490f1e0a5