La Usc di Ladins

Pelel n liber zenza paroles contèr vèlch, e anzi fosc ence più che n liber scrit? - ne domana Daniele Verra, e dapò l respon: - Ve arsegure de scì, e se volarede lejer l liber che ve mete dant anché me cherdarede. »Mirror« l é n silent book, apontin n liber zenza paroles, che me é sozedù de veder te na clasc de na scola mesèna endèna na atività de arvejinament ai libres. Sessaben che no l é na neva veder n silent book, e de spes chisc libres i é fons e piens de segnificac, ma un che me aea lascià tant desche chest no l aee amò vedù. »Mirror« l é n’opera de Suzy Lee, autora nasciuda a Seoul, e l fèsc pèrt de la  »Border Trilogy« (che vel dir trilogia del ór), na lingia de trei libres olache la rilegatura zentrèla del liber la doventa confin anter fantasia e realtà. L’idea l é mingol chela de »Alice tel paisc de la marevees«, olache la protagonista passèa dal mond reèl e n auter dezisamenter più cert. Suzy Lee à ence vent l Hans Christian Andersen Award 2022 desche dessegnadora.

Podede lejer duta la rezenjion su La Usc numer 12 stampèda de en vender ai 29 de mèrz.