La Usc di Ladins

Bun de Mirko, olá este pa de bel incö?
»Bun de a düc, i sun amesa le mer mediteran sön na barca che i vá derevers a Barcelona.«

T’es sté a Bornech sëgn por plü dî a fá teater, co t’á pa salpü chëstes esperiënzes?
»I á mefodër en sabeda rové da fá teater a Bornech. D’altonn ái joblené pro le toch Shockheaded Peter y sëgn d’aisciöda pro Caligula. I á podü fá de beles esperiënzes, privatamënter y sön paladina, cun porsones che i conesciô bele, mo i á ince podü imparé da conësce jënt nöia.«

Sëgn vaste indô a Bar­ce­lona, che é deventé to daciasa nü. Cúntesse tan dî che t’es bele iló y ci che te fejes…
»A Barcelona sunsi sëgn bele sis agn. Le tëmp passa tan debota! Laota êi jü ia por imparé spagnol, te na scora de spagnol. Y al me savô tan bel a Barcelona, che i sun sté iló. I á spo imparé produ­ziun de musiga laía, i sun sté te na compagnia che á fat n musical por jogn tl ingleje tla Calalunya. I á ince metü pe n pü’ tl monn dla publi­zité. Sëgn da n ann sunsi ince massajadú.« (IR)