La Usc di Ladins

"Tres le lian dla pêsc" ê le motto dl de, a chël che ince les ëres dl Decanat Val Badia á orü tó pert. Te vigni paisc él gnü perié por les ëres tratan la santa mëssa o te val’ posć ince cun na funziun aposta. Ala per él gnü coiü adöm spënores, olache al é gnü ite la bela soma de 2.461,29€. La surastanta dla uniun dles ëres dl Decanat Olga Moling rengrazia de cör por la buna man, che vëgn menada inant a Viena, olache al é la sënta. I scioldi jará a bëgn de proiec por les ëres tla Palestina, tl Camerun y tla Tanzania.