Ci foss pa Pasca zënza üs decorá, zënza signé y zënza le pan spezial che recorda l’Edema Santa oramai passada y rovada cun la ressoreziun? Pasca é la festa dla vita nöia, che respidlëia l’aisciöda che é da odëi ti dis tres plü lunc, tles temperatöres morjeles y ti pra che vëgn vërc.
I üs da Pasca che alda pro nosta tradiziun é por la maiú pert de iarina, ai vëgn decorá cun deplü tecniches surantutes da d’atri raiuns culturai. Paralelamënter müda ince i motifs da depënje, intënje o crazé ite tla scüscia dl ü.
Avisa dl incrazé üs nen ésera jüda dan otedé te n curs tigní dala conditora Rosi a Al Plan, a chël che al á tut pert na desëna de patrones y ëres. Rosi á mostré la tecnica dl crazé ite la scüscia di üs intënc, y á ince metü dant deplü motifs plajors por le cëst dl signé y la fëia mora sön mësa en Pasca da misdé.
Liéde do deplü tla ediziun pascala de La Usc di Ladins!
Abelí i üs da Pasca
Sön iniziativa dles Patrones de Mareo s’á abiné na desëna de ëres interessades dala conditora Rosi a Al Plan por imparé i motifs y les tecniches da incrazé üs por Pasca y cöje na trëcia tradizionala
Galaria retrac
View the embedded image gallery online at:
https://www.lausc.it/valedes-ladines/val-badia/26846-abeli-i-ues-da-pasca#sigProIdcaaac3f7a6
https://www.lausc.it/valedes-ladines/val-badia/26846-abeli-i-ues-da-pasca#sigProIdcaaac3f7a6