La Usc di Ladins

La Uniun Ladins Val Badia inviëia a n danmisdé de aurela cörta, en Lönesc de Pasca al 1. d’aurí, te plaza dl Istitut Ladin Micurá de Rü. Al é un di evënc oramai tradizionai, cun musiga, buffet de liagnes blances y prezes, marcé di libri cun dötes les novités firmades ULVB y cun la gran cufada de üs da Pasca. Al sará na bela ocajiun por sté n pü’ adöm y magari ince fá na cartada. La matinée da iniann sará abelida da musiga da orghi da man y da n conzert cun la ciantarina Ines Tavella. I metun man incër les 11:15, do la gran mëssa. Gnide ince os!