Danter les tröpes tematiches che vëgn tratades tles Scores Altes a La Ila, vëgnel plü gonot ince baié dl tema "mafia". En chësc cunt á i studënc dles terzes, cuartes y cuintes classes albü la poscibilité da ti ciaré al documentar "Falcone & Borsellino – Verneigen wir uns", na produziun dl regist Stefan Winkler da Balsan, che á orü traté la vita y l’opera di dui magistrac Giovanni Falcone y Paolo Borsellino, che i á dediché süa vita por combate la mafia y l’á paiada cun la vita. So ejëmpl é indere sté fondamental y le rai de so messaje slomina sura le tëmp fora, cina aldedaincö.
Tles Scores Altes da La Ila á i studënc ince albü l’ocajiun da s’la cunté cun le regist instës.
Deplü sön chësta leziun particolara nes cunta Sara Frenademetz dla 3. ITE, t’La Usc di Ladins di 12 d’aurí
Tles Scores Altes a La Ila vëgnel baié dla mafia
Stefan Winkler da Balsan é rové a La Ila por presenté y mostré so documentar dal titul "Falcone & Borsellino – Verneigen wir uns". Gran interes da pert de studëntes y studënc, por döes porsones y personalités che á paié cun la vita so gran coraje zivil
Galaria retrac
View the embedded image gallery online at:
https://www.lausc.it/valedes-ladines/val-badia/26864-tles-scores-altes-a-la-ila-vegnel-baie-dla-mafia#sigProIde9fec04ee4
https://www.lausc.it/valedes-ladines/val-badia/26864-tles-scores-altes-a-la-ila-vegnel-baie-dla-mafia#sigProIde9fec04ee4