La Usc di Ladins

Jöbia ai 11 d’aurí s’á apascioná de poesia y amanc dla natöra incunté te biblioteca Sas dla Crusc a La Ila por se lascé trasporté da melodies fines fora por trus poetics, che á en chësc iade ciafé na nota döta al natural. Danter scafes de libri ite á le scritur Nicola Dal Falco cun Silvia Liotto presenté na secuënza de poesies y prosa, che descür na vijiun mitica y lirica dla natöra, y chësta sciöche metafora de vita. Sciöche n spazier te n bosch, olache parores á descurí emoziuns y ti á dé plü significac y respostes a domandes esistenziales, á i scriturs cun süa parora acompagné i spetadus fora por sëmenes val’ iade plü intravaiades y scöres, d’atres otes plü morjeles y lominoses… le iade fora por le bosch che tira le fle y vir pó porté a tras­formaziuns internes.
Le salüt dl coordinadú dles biblio­teches dla Val Badia Lois Agreiter á daurí l’evënt y á porté le bëgngnü al publich, al scritur Nicola Dal Falco y ala scrituria Silvia Liotto, sciöche ince ala musizista Petra Niederwolfsgruber, che á implí la presentaziun cun n acompëgnamënt musical.

Liede inant tla ediziun nöia de vëndres 19 d'aurí !