La Usc di Ladins

Dotours
Doturs Val Badia
Tla fin dl’edema di 20 y 21 d’aurí él en sorvisc tla Val Badia la doturia Stefania Febbraro, tel. 377 3288595. Sura la festa nazionala ai 24 y 25 d’aurí él en sorvisc le dotur Guido Caretta, tel. 0471 836870 o 337 616080.
Dutor Gherdëina
L dutor de servisc da n sada ai 20.04. dala 08:00 daduman nchin la 08:00 daduman de n lunesc ai 22.04. ie l dutor Michael Trocker de Urtijëi, streda Promeneda, tel. 388 2580002.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 19.04. nchin n vënderdi ai 26.04. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 19 de aurí dales 19:00 al vëndres ai 26 de aurí ales 19:00, é chëra d’Al Plan, tel. 0474 501240.

Chino
Atualmenter
Al chino de Cianacei
Anché vender ai 19 de oril da les 21:15, en sabeda ai 20 da les 17:00 e en domenia ai 21 da les 21:15 se pel veder »Ghost­busters. Minaccia glaciale«. En sabeda ai 20 da les 21:15 e en domenia ai 21 da les 17:00 l é enveze en program »Back to black«, film biografich su Amy Winehouse. Do l chino sozièl de mercol ai 24, da en vender ai 26 per dut chel fin de setemèna da les 21:15 se pel veder »Catti­verie a domicilio«. Program su www.cinematesero.com
Atualmenter
Ciak Socialcinema
L Servije sozio-assistenzièl del CGF, ensema al chino Marmolèda de Cianacei endreza na lingia de proiezions de film con contegnui sozièi. En mercol ai 24 de oril da les 20:45 se pel veder »Killers of the Flower moon« con la regia de Martin Scorsese. La rassegna se sera su en mercoi ai 30 de oril: semper da les 20:45 sarà en program »Un colpo di fortuna« regia de Woody Allen. Per chesta rassegna l cost del biliet l é de 5 euro.
Atualmenter
Al chino de Tieser
Anché vender ai 19 e en sabe­da ai 20 de oril da les 21:15 e ence en domenia ai 21 da les 20:30 se pel veder »Back to black«, film biografich su Amy Winehouse. Domesdì en sabeda ai 20 da les 17:15 l é »Ghostbuster. Minaccia glaciale« e en domenia ai 21 da les 17:30 »Kung Fu Panda 4«. La programazion tacarà dapò en mercol prum de mé. Program su www.cinema tesero.com

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
20.04.
Barat de guant per jëuni:es y granc:des
La Lia per Natura y Usanzes mët a jì chësc barat de segonda man, n duman, sada ai 20 de auril dala 09:00-12:00 y 15:00-18:00 tl local di jëuni »Saut« a Urtijëi, ulache n possa nce dé ju l guant (al plu 10 pec) l di dant, 19.04. dala 15:00 nchin la 19:00. Per plu nfur­mazions: Romy 377 3802074 o Luca 377 3799514.
20.04.
Recordon Fratel Elio Croce
En sabeda ai 20 de oril a Moena te sala grana de la scoles da les 16:00 vegn pre­jentà l liber de Filippo Ciantia »Elio Croce. Fratello missio­nario comboniano« Tol pèrt l autor e l miscionarie combo­nian Giulio Albanese. Mode­razion de Luigi Pellegrini. Duc é enviè de cher.
21.04.
Radunanza Zircol Jent de età de Moena
En domenia ai 21 de oril a Moena te teater parochial da les 14:30 l president del Zircol Jent de età de Moena Mar­cellino Chiocchetti chiama ite i sozi per la radunanza ordenèra e la litazion del nef diretif. Duc chi che à compì 60 egn pel tor pèrt e se scriver ite. Se spera te na bona parte­zipazion, a la fin sarà ence n marendel.
21.04.
Recordanza de Père Frumenzio Ghetta
En domenia ai 21 de oril da les 16:00 l’Union di Ladins de Fascia e l Istitut Cultural Ladin endreza te sala grana de la Majon di Fascegn na recordanza de Père Frumenzio Ghetta a 10 egn da la mort, con paroles, video e musega. Da les 18:00 de la Pieif vegnarà ofizià la messa en sia memoria.

Mostres y Ert
Atualmënter
Mostra »Flotte Flitzer« dla scolina Salieta
L Circolo–Lia Mostra d’Ert nvieia ala mostra de veiculi »Flotte Flitzer – na tiza da sgors«, fac dai mutons y dala mutans dla scolina Salieta, che sarà metui ora dai 17 nchin ai 21 de auril tl self dla Lia Mostra d’Ert. La mostra sarà davierta dal mierculdi al vënderdi, 14:00 – 18:00 y de sada y dumënia, 10:00 – 12:00 y 16:00 – 18:00.
Atualmënter
Nosc uciei – na imerscion artistica tla natura
Tl Tublà da Nives iel metù ora na mostra dla Lia Uciei Gherdëina per mparé a cunëscer i uciei de nosc raions, che n puderà vijité nchin ai 1. de mei, uni di ora dl lunesc dala 16.00 ala 19.00. Ai 1 de mei uniral metù a jì na jita ornitologica per jì a ti cialé ai uciei che viv te nosc raion.
Atualmënter
Mostra: »Zement tl ciorvel y d’atres stories«
Chësc é le titul dla mostra de Fabian Feichter d’Al Plan, en colaboraziun cun Youlee Ku, che vëgn metüda fora tla StadtGalerie da Porsenú (Große Lauben nr. 5). La vernissaja é incö vëndres ai 19 d’aurí dales 19:00. La mostra sará spo da odëi dai 20 d’aurí cina ai 8 de jügn, dal mertesc al vëndres dales 16:00 ales 19:00, la sabeda dales 10:00 ales 13:00; tratan le Water Light Festival dai 24.04. ai 12.05. ésera ince daverta vigni de dales 21:00 ales 23:00.
Atualmënter
Mostra y catalogh de Lois Irsara
L’Istitut Ladin Micurá de Rü, le Museum Ladin Ciastel de Tor y l’Archif Lois Irsasra inviëia a na mostra de laurs de Lois Irsara a Aunejia. Ara é metüda fora dai 17 ai 24 d’aurí tl Palazzo Benzon Fo­scolo tl sestiere de San Merch y é daverta vigni de dales 10:00 ales 17:00 y sön apunta­mënt. Por chësta ocajiun gnarál presenté la sabeda ai 20.04. le catalogh »vernacŭlus–Recordanzes ladines«.

Temp Lede
Atualmënter
Literakino
La biblioteca de Urtijëi nvieia ala sëires de chino per granc:des tla rujeneda tudëscia y taliana: uni vënderdi de auril, dala 20:00 inant. L program di films ie da abiné te biblioteca.
20.04.
Dance & Fun
L VKE mët a ji n domesdi de bal y devertimënt cun la referënta Isabell Senoner, n duman sada ai 20 de auril dala 14:30 inant sun Plaza Stetteneck a Urtijëi.
20.04.
San Martin: Bal dla Jonëza da Paur
La Jonëza da Paur da San Martin recorda i 20 agn dla Uniun y inviëia porchël a n bal y festa, en doman sabeda ai 20 d’aurí dales 19:30 inant, te palestra da San Martin. Por de buna musiga fistidiëia »Die Jungen Pseirer«, i »Volx­Brass« y DJ Temptation X.
23.04.
Calfosch: armonia por corp y anima
La Uniun dles Ëres da Cal­fosch mët a jí na serada de meditaziun y eserzizi por trá le fle, cun Elisabeth Ober­bacher, en mertesc ai 23 d’aurí dales 19:00, tl pice salf dles manifestaziuns dla Ciasa Tita Alton. An dess se tó para n tapet da yoga, na cutra y guant da sté saurí.
23.04.
La Val: I te scinchi na storia
En mertesc ai 23 d’aurí dales 14:30, en gaujiun dl Dé mon­dial dl liber, sarál te biblioteca da La Val Ruth che cunta na storia por mituns, sot al motto »I te scinchi na storia«. L’eté aconsiada é da 3 cina 8 agn.
25-28.04.
Sègra de Ciampedel
Ciampedel fèsc festa. I taca en jebia ai 25 te Chino Marmo­lèda col teater de la Mizacoles; en vender da les 17:30 vegn avert l tendon te Piaz de paisc olache sarà musega e magnadiva ence en sabeda e en domenia da les 11.00 inant. En domenia ai 28 da les 9:00 l é la procescion e la messa grana, do aperitif, marena e cena con Musega Auta Fascia, Gropes Folk e Pazedins.
07.05.
Barat de ciüfs, pelzes y somënzes
Ai 7 de ma dales 20:00, tl salf di stödafüch a San Martin de Tor. Al sará ince Rosa dai Ciöf che baiará dl tema »Abelí nüsc bi sorasc«. An pó porté alerch ciüf, pelzes o somënzes che an n’adora nia plü y se tó para ci che mancia. Chi che an porta é da dé jö tla portina dl salf, dan le referat, dales 19:30 inant.

Leteratura
Atualmënter
Lëuratuere de leteratura
La biblioteca de San Durich mët a jì n lëuratuere de letera­tura cun Nadia Rungger per sculeies:ées y studënc:tes. L sarà mo una na ancunteda n merdi, ai 23 de auril dala 17:00-19:00 tla bibliotech San Durich. De mei uniral pona fat na letura deberieda. Chi che à nteres possa se lascé nuté su tla biblioteca San Durich.
04.05.
Presentaziun de »La lëtra por le re«
En sabeda ai 4 de ma dales 16:00 él tla Gran Ciasa a La Pli la presentaziun dla tradu­ziun ladina dl liber »La lëtra por le re« de Tonke Dragt. La traduziun tl ladin dla Val Badia é gnüda fata da Maria Margareth Pedevilla y é gnüda dada fora tres l’Istitut Ladin »Micurá de Rü«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.04.
Pizes dla Ladinia: via fereda »I magnifici 4« cun Chiara Costazza
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
24.04.
Trail spezial: Chefer dla scorza na desfida por la comunité y l’ecosistem
Dales 20:50 ca. Le bosch, gran richëza naturala por döta la comunité y le ecosistem, á conesciü de gran mudamënc ecologics, economics y naturai a gauja dl chefer dla scorza. A cura de Mara Miribung.
25.04.
Dales 20:20 ca. Program de Diego Clara y Hartmann Mairhofer, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
23.04.
Le dé mondial dl liber
Dales 13:45 ca. Conduziun Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
20.04.
Les spezies: la nusc moscada
Dales 19:05. Düć/dütes nos l’un te nosta ciasadafüch: la nusc moscada, üna dles saus che adorun gonot. Mo ci savunse pa sura chësta spezia? Da olá vëgnela pa? Co éla pa rovada sön nostes mëses? Tratan la trasmisciun podares ascuté de plö informaziuns sura la storia y l’atualité de chësta saú. Program de Iris Del Valle.
21.04.
Georg Rabanser y l snowboard
Dales 19:05. Ntëur i ani ’90 ova Georg Rabanser purvà a »surfen« cun n snowboard, ntlëuta ne fovel nianca no tan saurì abiné de tel breies tla Talia. Da autodidat ovel mparà y tosc nce scumencià a fé gare­jedes. Ël ie deventà maester y istrutëur de snow­board, à venciù truepa cumpetizions y à nce nstës scumencià a se dé ju cun la produzion de breies. Oradechël dal nce inant dut si savëi sciche alenadëur trajan su na bela scuadra de jëuni. Ël conta di scumen­ciamënc de chësc sport tlo da nëus y coche l se à svilupà ti ani. Trasmiscion de Alex Runggaldier
24.04.
Ercabuan, i colores de la pesc: la musega
Dales 19:05. La musega deida a fer crescer na cultura de pesc, deida a meter adum la persones, jir sorafora la seides e si messajes é stac man a man chi de pesc e amor a scomenzer da la cianzon »Ima­gine«. En rejonon col musizist Marco Mattia. Program de Anna Mazzel.
25.04.
N’auturia da talënt
Dales 19:05. Nadia Rungger de Pontives é poeta y scrituria. Ara nes presënta te chësc program süa ativité artistica y nes cunta de süa pasciun. N program de Sara Frenner.

Teater
19.04.
Spetacol de teater sun Tita

• 
•  

View the embedded image gallery online at:
https://www.lausc.it/manifestazions-y-evenc/26936-manifestazions-atuales#sigProId4a4e3957fc

Piaz
Scomenza la rassegna NavalGEI a teater. L prum spetacol te Navalge a Moena l é insnet, vender ai 19 de oril da les 20:45. Per endrez de ariaTeatro vegn portà dant »Il Diavolo delle Dolomiti« de Mario Vanzo, che l conta la vita de Tita Piaz. La rasse­gna jirà inant ai 11, ai 16 e ai 25 de mé e se pel fèr l abona­ment ai 4 spetacoi.
25.04.
Teater de »La Mizacoles«
En ocajion de la sègra de Ciam­pedel l grop »La Miza­coles« porta dant la comedia »La badante del giaf«. L teater vegn metù a jir en jebia ai 25 de oril da les 20:30 te Chino de Cianacei e vegn endrezà ence l servije taxi debant da Ciampedel. Se pel se n empre­valer chiaman l 333 4094192.

Cursc
Atualmënter
Café dla rujenedes
Tla bibliotech S. Durich a Urtijëi vëniel tenì ntan l mëns de auril: de merdi l café dla rujenedes per franzëus cun Louise, de mierculdi per nglëisc cun Nick, de juebia per spanuel cun Chiara y de vënderdi per ladin cun Karin. L’ancuntedes scumëncia for dala 9:30. N possa unì zënza se nuté su danora.
Atualmënter
Ginastica per se n sté bën
L Muvimënt catolich dl’ëiles mët a ji chësc curs tla palestra de S. Cristina, dala 16:00 nchin la 17:00 cun la referënta Greti Mussner. N se anconta mo doi iedesc, for de merdi, ai 23 y 30 de auril.
20.04.
Emergënzes tl caje de pici mituns
Le Consëi de formaziun da Corvara mët a jí n curs de pröm aiüt por les emergënzes tl caje de pici mituns, por geniturs de mituns che vá ala scolina y ala elementara. En sabeda ai 20 d’aurí dales 14:00 ales 18:00, tl salf dles manife­staziuns da Corvara. Iscri­ziuns: 10,00€ a ce.

Referac
19.04.
L’ert de s’la to ala lesiera
L KVW Urtijëi mët a jì n referat cun la psicologa Lisa Gamper, ncuei vënderdi ai 18 de auril dala 20:00 tla sala de calonia de Urtijëi. Ntan la sëira uniràl rujenà di majeri fai de pensier y nterpretazion, che nes pëisa tla vita da uni di y nes ruba truepa forza.
22.04.
Manajé le stres y resiliënza
Le Consëi de formaziun da Corvara mët a jí en lönesc ai 22 d’aurí dales 18:30 te biblio­teca da Calfosch n referat cun la doturia Margarethe Mayr. Ara nen vá de »Manejamënt dl stres y resiliënza – co deven­té mentalmënter y emotiva­mënter plü stersc por superé na crisa, n trauma o stres«. Le referat é debann, mo al é da s’anunzié pro Ailjn al 347 7598963.

Mujiga
19.04.
Conzert cun i »Flat Caps«
Le grup »Flat Caps« sot la dire­ziun de Aaron Demez inviëia al conzert »Aqua«, en vëndres ai 19 d’aurí dales 20:00, tl salf NOBIS a Bor­nech, o ai 21 d’aurí dales 18:00 tl Eurac Auditorium a Balsan. Ala pert sona ince Ursula Mühlberger y Sylvia Lanz ala vidora, Nathan Chizzali al violoncello, Ester Carturan ala violan, Georg Malfer­theiner ales percusciuns. Chertes sot a flatcaps.it
21-24.04.
Doi conzerc a La Grenz
Do l bel suzes del Dolomiti Ski Jazz, taca endò i conzerc a La Grenz. En domenia ai 21 de oril da les 20:30 te la senta te Strada Saslonch 56 e Moena gran sera de blues rock con Peter Karp & Friends dai USA. En mercol ai 24 da la medema ora sera jazz col sax de Michael Rosen con Michael Lösch al piano e Enrico Tommasini a la bateria.
29.04.
Mujiga dl corp
La lia Gaia nvieia a chësta manifestazion de mujiga ai 29 de auril dala 20:00 tl self dla Cassa Raiffeisen de S. Cristina. L se trata de n work­shop per sentì usc, muvimënt, sonn y ritm, cun i referënc Eveline Jess y Andreas Delago, che va inant de ndut 4 iedesc (29.4.; 13.5.; 27.5.; 10.6.). N possa se nuté su nchin ai 22 de auril pra la lia Gaia, tres la plata www.pro-gaia.net.

Religion
Atualmënter
Oies: mudaziun pro i orars dles mësses
Al vëgn lascé alsavëi che dai 23 d’aurí inant él mudaziuns pro i orars dles mësses a Oies. Dal mertesc ala jöbia él mëssa dales 19:30, dal vëndres ala domënia ésera dales 16:00. Le lönesc n’él degüna mëssa.
20.04.
»Jesus, Kids & Teens«
A duc i mutons y la mutans y jëuni:es dala terza elemen­tera inant y dla mesana. Na puscibltà de viver l crëidum deberieda te na cumenanza cun workshop, adurazions, aurela curta cun devertimënt y muvimënt, chiet y reflescion, referac nteressanc. N se anconta te calonia de Sëlva, tla sala dla Schiera Junila, n duman, sada ai 20 de auril dala 16:00 inant.

Sozial
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I proscims termins é ai 25 d’aurí y ai 9 de ma. Al vëgn dé fora da mangé a dötes les porsones dla Val Badia che á debojëgn.
Atualmenter
Scontrèdes de confront su la sozietà che muda
L Servije Sozio-assistenzièl del CGF endreza 4 scontrèdes: insnet vender 19 de oril da les 20:30 te sala grana del Comun General la psicologa e psicoterapeuta Francesca Manfredi rejona de »Fies senestres e genitores no perfec« e la va inant online en mèrtesc ai 23 de oril medema ora (se enscinuèr per l link). Autra 2 scontrèdes en prejenza con de etres esperc sarà ai 16 e ai 22 de mé.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
19.04
Deberieda: Jita a S. Oswald (Fie)
Ncuei, vënderdi ai 19 de auril, se ancuntons dala 14:00 a Urtijëi dan la Cësa de Paussa per furné a Fie, a S. Oswald. »Deberieda« ie na grupa cun ulenteres per se ancunté dan­ter persones che à problems psichics o de sozialisazion.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.