I é drio a scomenzà a jaà sote ra piaza de ra Postes, inze ‘l cuore de Anpezo. I à spetà che pasase el guergno de ste dis, ra gneegades, par daerśe el cantier. Algo i aea fato a ra fin de ‘l an pasà, de dezenbre, canche i aea fato i prime buje, da bate śo i pale. Giorgio Da Rin ‘l é loudaduó par i laore de comun: »I scomenza a jaà pede ra Ciaśa de ra Postes, da bete śo i micropale. Dapò i se tramudarà, da un cianton a ‘l outro de ra piaza. No se podarà śì inze co i automobiles par un an e meśo, par disdoto mesc, fin de outon del 2025. S’on ciatà con ci che vive là d’intorno, che à el cuartier, con chi de i hotiei, chi de ra boteghes, par vede de ciatà outra strades da i fei ruà fin pede, anche par i camion che à da i menà ra roba. Chel che ‘l é seguro, ‘l é che se podarà pasà a pe, duto intor ra piaza. Nos conton de fenì el laoro par i ultime mesc del 2025, ignante de ra Olimpiades 2026. Vede che laora ‘na dita de ra nostres, ra De Pra, par nos ‘l é ‘na garanzia depì«. (MDM)
De plu tla edizion stampeda de La Usc di Ladins o sun l e-paper a paiament www.lausc.it/e-paper
Se jaa sote ra piaza de ra Postes
Un an e meśo de cantier par bete automobiles sote tera e par aé ‘na piaza noa via par sora. Se vó anche meorà ra strades d’intorno. Un projeto che rua da indalonśe
Galaria retrac
View the embedded image gallery online at:
https://www.lausc.it/valedes-ladines/anpezo/26684-se-jaa-sote-ra-piaza-de-ra-postes#sigProId2dab684b7a
https://www.lausc.it/valedes-ladines/anpezo/26684-se-jaa-sote-ra-piaza-de-ra-postes#sigProId2dab684b7a