La Usc di Ladins

Da pec dis l é jit deretorn a cèsa Amanda, Julieta, Domenica e Agustina, la cater touses dal Cile clas 2008, vegnudes per 6 setemènes te Fascia tel chèder del jomelinaje anter la Scola Ladina de Fascia e l Istitut Alcide De Gasperi de La Serena. La studentes é ruèdes sobito do la festes de Nadèl e les à podù stèr fin la fin de firé con families de Fascia e de Fiem; duc i dis les é jites a scola e tel fin de setèmena les à podù cognoscer l teritorie, jir coi schi, se goder la mont e la neif, che da eles no vegn.

I dozenc di licees se à dat ju per ge dèr l met de esser pèrt ativa de la scola e di si projec, ge fajan fèr, apede ai corsc de talian, n muie de ativitèdes te clas, raides, vijites te la zitèdes, laboratories artistics, de teater e scientifics.

Do chesta 6 setemènes la touses se à desmostrà deldut contentes de sia esperienza fascèna e co la lègremes les à saludà amisc e professores, con chi che les à sperimentà momenc che, coche les à dit, no les desmentiarà sorì. Dutes les à emprometù che les vegnarà amò te Fascia, olache les à lascià n picol toch de cher.

Ge aon domanà che che ge à sapù più bel de chest temp te la Tèlia.

Podede lejer dut su La Usc stampèda de en vender ai 7 de mèrz.  (Thomas Zulian)