La Usc di Ladins

En mertesc ai 11 de forá éra stada indô tan inant: a Badia s’ál desfiré la »Noza da Paur«, n avenimënt metü a jí dala Cooperativa Turistica Alta Badia en colaboraziun cun deplü uniuns dl post, por alzé fora les usanzes da inlaota y les tradiziuns liades ala zelebraziun dla noza da zacan.

Ince por chësc ann á la »noza da paur« cherdé adalerch zacotan de spetadusc. Plü de 120 porsones de uniuns locales – sciöche l’Uniun Ciavai Norics y Haflingher Val Badia, l’Uniun di Ostís Badia y l’Uniun di Paurs de Badia – á tut pert ala defi­lada, piada ia dala staziun dl implant La Crusc y passada fora por le zënter de Badia rovan cina sö pormez ala dlijia de San Linert, olache la lungia mësa por le past tradizional aspetâ le nüc y la nücia dan dala vedla ostaria »Crusc Blancia«.


Liede inant tla ediziun nöia de vëndres ai 28 de forá!