La Usc di Ladins

Por i grups di stödafüch él tëmp de sentades generales, olache al vëgn en chësc iade lité danü i comités. Insciö ésera ince stada por i Stödafüch da San Martin, che s’á abiné en sabeda sëra ai 22 de forá. Dlungia i omi dla uniun, mëmbri d’onur y mëmbri fora de sorvisc, á le comandant Damiano Moling podü saludé les totes, l’Ombolt Giorgio Costabiei, le presidënt dl raiun Bassa Val de Puster Reinhard Kammerer, le presidënt dl raiun Bassa Val Badia Alex Zingerle, rapresentanzes de stödafüch vijins, uniuns de socurs, verdabosc y carabiniers. I Stödafüch da San Martin ciara zoruch a n 2024 impegnatif, cun bëgn 59 intervënc. Al é gnü fat na relaziun dles ativités dl ultim ann, mo ince di ultims 5 agn. Lapró n’á nia mancé le joramënet por stödafüch jogn, les onoranzes, olache le stödafüch Giovanni Conrater é gnü nominé mëmber d’onur. Y spo él sambëgn gnü lité.

Deplü sön la sentada di Stödafüch da San Martin podëise lí t’La Usc di Ladins di 28 de forá.


 (pablo)