La Usc di Ladins

Sport
07-08.03.
Copa Europa ski cross sun Sèn Pelegrin
Do la garejèdes de Copa del Mond de ski cross rua sul portoi Munciogn sun Sèn Pele­­grin l apuntament con la Copa Europa de ski cross, goi garejèdes endrezèdes da la sozietà sportiva Monti Pallidi. Calificazions con sco­menz da les 10:00.

Temp Lede
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada in­te­­rativa. Deplü indic y do­man­da daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 6 de merz sarà Kevin Brook da audì tl Bar Stetteneck & Café Adler. L program plu avisa ie da abiné sun valgardena.it
02.03.
Carnival Fantasy Circus
Sun Plaza de Chemun de Sëlva uniràl a se l dé n pro­gram de zircus spetaculer, cun d’uni sort de acrubazies, juesc, ilujions, bai y aurela curta. Duc y dutes ie de cuer nviei, ai 2 de merz dala 16:30 inant.
03.03
Face painting per mutons:ans
La Lia dl Turism de S. Cri­stina mët a jì n domesdì per mutons y mutans, ntan chël che l unirà depënt i musc cun de biei mutifs da Carnescià. N se anconta tla sala de Che­mun de S. Cristina ai 03.03. dala 14:00 nchin la 16:00.
03.03.
Skishow dla Scola de Schi & Snowboard de Sëlva
La Scola de Schi & Snowboard de Sëlva nvieia a na prejen­tazion sun i schi ai 3 de merz sun l purtoi da Frëina/Ciam­pinëi. La show scumëncia dala 21:30. Duc ie de cuer nviei.
03.03.
»Action Show« a Calfosch
En lönesc ai 3 de merz dales 21:00 él sön la pista »Colfosco« n spetacul söi schi cun la Scora de schi da Calfosch. Al gnará porté dant esibiziuns söi schi, sön la brëia y tröp d’ater. Al ne mancia nia le grup »Pirates Freestyle Team« cun sü salc acrobatics.
03.03.
Nos Ladins cun Egon
Cun »Nos Ladins« án la po­scibilité da descurí deplü sön le monn ladin y i mistiers de nosta jënt. En lönesc ai 3 de merz dales 13:30 pón jí cui schi da paslunch cun Egon, maester y diretur dl Zënter paslunch Alta Badia. Iscriziuns y informaziuns online o ti ofizi turistics dl’Alta Badia.
04.03.
Carnescé a Corvara
En mertesc ai 4 de merz dales 14:30 él na festa cun defilada dles mascheres, jödapé dla pista »Col Alt« a Corvara. Na iuria premiará la maschera plü bela y originala. Al sará ince na acrobatic show y n valgügn eserzizi dl post dá fora da bëre y canifli da Car­nescé. Iscriziuns ala defilada sön le post.
04.03.
Nöt dla liösa – carlascé
En mertesc ai 4 de merz él la »Nöt dla liösa – Carnival edi­tion«, olache le tru dla liösa »Foram« a San Ciascian gnará ilominé dales 19:30 ales 22:30 y l’implant é davert ince da sëra. Chi che tol pert masche­rá, ciafa n bon por na boanda y al vëgn ince metü a jí la »ciacia ala olp Movimënt« cun de beles scincundes.
04.03.
Carnescià sun l purtoi da Palmer y Furdenan
N merdi ai 4 de fauré ie mu­tons y mutans nviei a jì cun i schi n mascra sun i purtoies de Palmer y Furdenan, dala 14:00 nchin la 16:00. La plu bela mascres unirà premiedes.
04.03.
Olimpiades da Carnescià per mutons:ans
La Lia dl Turism de Sëlva mët a jì, deberieda al VKE, n domesdì de juesc per mu­tons:ans ai 04.03. dala 10:00 inant sun Pra da Nives te Sëlva. Unide n mascra. Uni mut:a che fej pea giaperà na bela scincunda. N ne muessa nia se nuté su.
04.03.
Skishow dla Scola de Schi Sasslong
La Scola de Schi Sasslong nvieia a na desmustrazion sun i schi, ai 4 de merz dala 20:30 sun l purtoi Palmer a Urtijëi.
04. y 06.03.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schi­pass, la cherta de plü dis o an pó ince cumpré na cherta por chë sëra.
05.03.
Sëira de juesc cun la lia TRIX
Tl local »Saut« dla Nëus Jëuni Gherdëina mët la lia Trix a ji na sëira cun juesc da mëisa, n mierculdi ai 5 de merz dala 20:00 inant.
05.03.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
06.03.
Bun de Gran Risa
Tres l’iniziativa »Bun de Gran Risa«, en jöbia ai 6 de merz, deura l’implant de »Piz La Ila« bele dales 6:55. Dui mae­stri de schi dl’Alta Badia acom­pagnará i partezipanc dui iadi jö por la Gran Risa. Dedô pón ciamó jí a gosté te na ütia. Prenotaziiuns ti ofizi turistics dl’Alta Badia.
06.03.
Spetacul söi schi a La Ila
En jöbia ai 6 de merz dales 21:00 él sön la pista »Doninz« a La Ila n spetacul söi schi da pert dles scores de schi da La Ila y »Dolomites«, cun des­mostraziun de deplü tecni­ches söi schi, sot al titul »Sco­metun che!«. Al sará ince da odëi i schi da telemark y salc acrobatics dl »Pirates Freestyle Team«.
08.03.
Dolomites Dirndl Ski Day
Gherdëina festejea l di mun­diel dl’ëila ai 08.03. cun na manifestazion sportiva sun Secëda: l Dolomites Dirndl Ski Day. L’iscrizions vën tëutes su tla Lia dl Turism de Urtijëi.
08.03.
Defileda cun chentli di Carabiniers
N sada ai 8 de merz dala 21:30 saràl sun l purtoi da Frëina na bela defileda cun i chentli, metuda a jì dai Carabiniers. Duc ie de cuer nviei.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
02.03.
Eric Clapton, l chitarist lejender
Eric Clapton ie stat un che à revoluzionà l mond dla mujiga cun si beliscimi soli, si stil de suné bën ora dl solit y si gran amor per l blues. Cun la grupa »Cream«, sciche solist y sciche pert de d’autri proiec lejen­deres, à la chitara de Clapton y si cianties nfluenza truepa generazions. Trasmiscion de Georg Mussner.
04.03.
Jun a se bëre n café?
Dales 13:45. Che al sides da doman, do marëna o canche mai, le café é na boanda che plej y vëgn boiüda cotan. Dla componënta soziala dl jí a bëre le café, mo ince dles pro­prietés de chësta boanda antia y scöra, nes cunta te chësc program l’esperta de alimen­taziun Ivonne Daurú. N pro­gram de Sara Frenner.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
05.03.
Persones e curiositèdes: Ilda Pizzinini
Dales 19:05. Ilda Pizzinini »la gran mère de duc i ladins« é stata protagonista de tropa revendicazions di ladins con gran lurier de dialogh e media­zion anter cultura e politica. A cef de l Union Generela di La­dins dla Dolomites per passa 17 egn la se à scialdi batù per l recognosciment di ladins a duc i livìe con na vijion al ben de duc i ladins despartì te doi regions e trei provinzies. Program de Anna Mazzel e Anelise Vian.
06.03.
Dal lat al ciajó
Dales 19:05. Da büsc y bel ghel, insciö é le ciajó tl ima­ginar de cotanc. I paurs dl Lüch de Valin te Sëlva fej ciajó bele da 15 agn incá y ai laora insciö sö instësc le lat de süa produziun. Te chësc program nes cunta Martin Mussner de süa ativité, alzan fora ince de vigni sort de coriosités por ci che reverda le ciajó. N program de Sara Frenner.
Informaziuns
Informaziuns plü menüdes sön i programs radio y tele­vijiun de RAI Ladinia pón ciafé sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
04.03.
Eie e Spieie – Amò con...
Dales 20:50 ca. Program de Cinzia Pistoia y Georg Penn, a cura de Alessandro Dapunt.
05.03.
S-Link – Profescionisć hi-tech
Dales 20:50 ca. Canche pisson al mond de l’hi-tech saon che dut passa tras na rei de infor­maizons e dac su internet, aboncont che el pa vindedò la coltrines del lurier che fèsc la firmes che se cruzia de neva tecnologies? Te chesta puntata de S-Link jon a descorir che­che fèsc più avisa i profescio­nisć de chest setor. Program de Cinzia Pistoia, a cura de Alessandro Dapunt.
06.03.
Scenar
Dales 20:20 ca. Program de Silvia Murer y Hans Peter Kar­bon, a cura de Leo Seno­ner.

Religion
01.03.
Badia: Preparaziun dl Bato
La Uniun dles Ëres Catoliches dl decanat Val Badia inviëia i geniturs che á n pice da batié, pêrs che aspeta, toc y totes de nosc decanat ala prepara­ziun dl Bato, en sabeda al 01.03. dales 15:00 ales 17:00, tla ciasa Runcher a Badia. Al gnará aprofondí l’importanza dl sacramënt, presenté le ritus y splighé i simboi. Prenota­ziuns pro Lucia al 334 320 0396.

Dotours
Dutor

• 
•  

View the embedded image gallery online at:
https://www.lausc.it/manifestazions-y-evenc/28995-manifestazions-atuales#sigProIdcea200ce97

Gherdëina
L dutor de servisc da n sada ai 01.03. dala 08:00 daduman nchin la 08:00 daduman de n dumënia ai 02.03 ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254. N dumënia ai 02.03. nchin al lunesc ai 03.03. ie la dutu­rëssa Janine Santifaller de servisc, che ie da urté tl ambu­lature dla dr.ssa Cordula We­ber a Urtijëi, streda Tre­binger 10, tel. 377/3132223.
Doturs Val Badia
Tla fin dl’edema dl 1. y 2 de merz él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc la doturia Margherita Righini, tel. 348 6351943.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 28.02. nchin n vënderdi ai 07.02. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 28 de forá dales 19:00 al vën­dres ai 7 de merz ales 19:00, é chëra da Corvara, tel. 0471 830237.

Sozial
Atualmënter
Badia: ciüfs por n bun fin
La Uniun dles Patrones de Badia organisëia indô na venüda de ciüfs por n bun fin. Chësta vëgn tignida en vëndres ai 7 de merz dales 8:30 ales 12:30, sön plaza de Comun a Badia. Döt ci che vëgn trat ite jará a fin de bëgn por la Inrescida söl crebesc.
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 13 de merz. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Teater
Atualmënter
Sëira de bona ueia dla Grupa Teater de Urtijëi
La Lia dl Teater de Urtijëi nvieia a de plu sëires de bona ueia, cun teatri curc tla tema­tica »Comics« – n possa nce se furnì aldò. Danterite sune­ràl la grupa Waydlee y dl DJ Simon meterà su mujiga y daldò ne manceràl zeche da maië y da bever. La sëires sarà ai 28 de fauré, pona mo ai 1. y ai 4 de merz, for dala 19:00 inant.
Atualmënter
Teater a S. Cristina
La grupa Teater S. Cristina nvieia a la reprejentazions dl pez de teater da rì »Streich­quartett« de Szöke Szakàll. Regia y traduzion tl gherdëina de Willy Runggaldier. L sarà mo trëi reprejentazions–for tl self de Chemun: 28.02. dala 20.30, 02.03. dala 17:00 y 03.03. dala 20.30. Chertes danora: 339 3399266 (Paola Stuffer).
02.03.
A teater a Pardac
En domenia ai 2 de mèrz, domenia de Carnascèr, da les 16:00 te teaer de Pardac vegn metù dant »Alice nel paese delle meraviglie«, spetacol de teater per picoi e gregn.
04.03.
A teater a Tieser
En mèrtesc ai 4 de mèrz, mèr­tesc gras, da les 17:30 te teater de Tieser vegn portà dant »La valigia delle sorprese«, spetacol de teater per picoi e gregn.
04.03
Rassegna de teater ladin
Tel chèder de la Rassegna de teater ladin del CGF en mèr­tesc de Carnascèr ai 4 de mèrz da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Gotèrt e Nazio nun à rejon« de Simon de Giulio.
07.03.
Sajon teatrala de Fiem
Per la sajon teatrala de Fiem, insnet, vender ai 7 de mèrz da les 20:45 te teater de Tieser, Onda Larsen Teatro met dant l spetacol »Delitto imperfetto« scrit da Claudio Insegno con Riccardo De Leo, Gianluca Guastella e Lia Tomatis.
07.03.
Spetacol musical su la eles a Cianacei
En vender ai 7 de mèrz da les 20:45 te chino Marmolèda l Comun de Cianacei, Ensema per Cianacei, la sociazion An­­termoia e La Voce delle Donne endreza l spetacol musical »I feel like a woman« sul esser femenes ai tempes de internet con Eleonora Mazzotti. Chel che vegn tirà su va a la sociazion La Voce delle Donne.

Mostres y Ert
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­deres dales 8:00 ales 12:00 y dales 16:00 ales 18:00; la do­mënia dales 10:00 ales 12:00.
Atualmënter
Mostra de Markus Moling a Bornech
Cina ai 3 de merz él da odëi tl Café–Atelier »Pinta Pichl« a Bornech (Oberragen 3) na mostra de Markus Moling da La Val. La mostra é daverta dal lönesc al vëndres dales 8:00 ales 19:00 y la sabeda dales 8:30 ales 18:00.
01.03.
Mostra »Mëter mans«
Tl self dla mostres tla Cësa di Cungresc a Urtijëi saràl da udëi la mostra »Mëter mans – artejanes de Gherdëina conta«, che lieia opres de 25 artistes. La mostra resterà da udëi nchin ai 16 de merz, uni di dala 10:30–12:30 y dala 16:00–18:00.
Atualmënter
Crëps
La mostra de Riccarda de Eccher, che mostra acuarei dla Elpes y particularmënter dla Dolomites che devënta prutagonistes de si lëures, ie da udëi nchin ai 29 de merz tl Tublà da Nives te Sëlva. Orar: Uni di ora dl lunesc, 15:00 - 18:00.

Mujiga
Atualmenter
Dolomiti

• 
•  

View the embedded image gallery online at:
https://www.lausc.it/manifestazions-y-evenc/28995-manifestazions-atuales#sigProIdcea200ce97

Ski Jazz
Dai 7 ai 16 de mèrz l’Apt de Fascia, Fiem e Cembra col dire­tor artistich Enrico Tom­masini endreza l Dolomiti Ski Jazz. Sabeda ai 8 da les 12:00 al Chalet Valbona sun Lujia l é l grop »Beccalossi Corini Sigurtà Trio«, da les 21:00 te teater Navalge l é l grop »Almanaque« con special guest Camille Bertault. Dome­nia ai 9 da les 17:00 al XAlp Hotel a Pera l é »Claudio & Fulvio Chiara Quintett« e da sera Jan Session a La Grenz a Moena.

Cursc
03.03.
Curs de spagnolo
A La Pli vëgnel organisé n curs de basa de spagnolo cun Maria Margareth Pedevilla. Le curs mët man en lönesc ai 3 de merz y vá inant cina ai 14 d’aurí, por indöt 10 in­cuntades. An s’abina tres dales 17:30 ales 19:00, te scora ele­mentara da La Pli. Cost: 150,00€ cun liber y material lapró. Informaziuns plü menü­des y iscriziuns al 377 1807 923. Min. 6 partezipanc.
06.03.
Fit tl cë cun juesc y devertimënt
L KVW Urtijëi nvieia ëi y ëiles sëura i 60 ani a chësta an­cuntedes per mantenì na bona riazion, memoria y cun­zentrazion, cun la referën­ta Isolde Senoner. La ancun­tedes va inant per de ndut cin’ iedesc tla Biblioteca de San Durich a Urtijëi, for de juebia dala 09:30 nchin la 10:30.

Chino
Atualmenter
Al chino de Cianacei
Insnet, vender ai 28 de firé da les 21:15 l é »September 5-La diretta che cambiò la storia«, sabeda al prum de mèrz e domenia ai 2 da les 17:00 l é »Paddington in Perù« e da les 21:15 l é »Heretic«, mèr­tesc ai 4 e mercol ai 5 da les 21:15 l é »Becoming Led Zeppelin«, jebia ai 6 da les 17:00 l é »Paddington in Perù« e da les 21:15 »Hretic«. Info: www.cinemacanazei.it.
Atualmenter
Al chino de Pardac
Sabeda al prum de mèrz da les 17:00 e da les 21:00 l é »Ca­ptain America, brave new world«, domenia ai 2 da les 20:30 l é »The brutalist«, lu­nesc ai 3 da les 21:00 l é »Cap­tain America, brave new world«, mèrtesc ai 4 da les 17:00 »Sonic 3« a 4 euro, mercol ai 5 da les 20:30 »The bru­talist«. Info su www.cinema predazzo.it
Atualmenter
Al chino de Tieser
Insnet, vender 28 de firé e sabeda al prum de mèrz da les 21:15 e domenia 2 da les 20:30 l é »Bridget Jones-Un amore di ragazzo«, sabeda al prum e domenia 2 da les 17:15 l é »Paddington in Peru«, mèrtesc ai 4 da les 20:30 l é »Follemente«, sabeda 8 da les 17:15 l é »Paddington in Peru«. Info www.cinematesero.com.

Avisc
Atualmënter
Bienela Gherdëina 10 – iscrizions
La iscrizions per la Bienela Gherdëina dl 2026 ie daviertes mo ncuei, 28 de fauré. Artisć y artistes de Sudtirol ie nviei a se scrì ite. Chëi che unirà crisc ora ie de cuer nviei a mëter ora pra la bienela 10 che unirà cureda da Samuel Leuenberger y arà l titul (Future) Paradise Garden.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta: ai 19.03, ai 30.04 e ai 28.05. Info al 389 1122243, ence whatsapp, o a sangiovannidi fassa@biblio.tn.it
Atualmenter
Carnascèr sui festii
Fin ai 8 de mèrz tel paisc de Vich se pel veder 12 ciasetes sui festii fornides da Carnascèr relisèdes da la sociazions de paisc, privac, scoles e istitu­zions.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
Merz
Iscriziuns ala scora de musiga Val Badia – online
L’iscriziuns ales scores de musiga dla provinzia pón fá dal 1. ai 31 de merz, ma online tres les sorvisc dl’aministraziun provinziala »myCivis« al link https://civis.bz.it/einschreibu ng-musikschule. L’azes al sorvisc vá tres SPID o CIE (cherta d’identité eletronica). Informaziuns ciafon te secre­tariat dla scora de musiga a La Ila al 0471 847748 o sot https://deutsche-bildung.pro vinz.bz.it/de/musikschulen.
01.03.
Azion di crafons
L Muvimënt catolich dl’ëiles mët a jì nce chëst ann la azion di crafons: do la Santa Mëssa dla sada sëira y dla dumënia danmesdì, vëniel vendù cra­fons sun plaza de dlieja a S. Cristina.
03.03.
Lia di Filatelisć – ancuntedes
La Lia di Filatelisć, Numisma­tics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel’ barat. La proscima ancunteda sarà ai 3 de merz.
03.03.
Instà tl Bosch per mut*ns dla scolina: iscrizions
L proiet per l instà Instà tl Bosch, per mutons y mutans dai 3 nchin a 6 ani, vën metù a jì dala Scolina tl Bosch, dai 30.06. nchin ai 01.08. dala 07:45-12:30. La iscrizions possa unì fates tres mail ai 03.03. dala 07:00 inant: info@canalescuola.it
04.03.
Festa de Carnascèr a Moena
En mèrtesc gras ai 4 de mèrz a Moena vegn endrezà la festa de Carnascèr con la defilèda fora per paisc e musega e devertiment su la neif al parch Fiabilandia. Se se troa da les 14:00 te Piaz de Sotegrava.
04.03.
Defilèda de Carnascèr a Vich
En mèrtesc gras ai 4 de mèrz l Comitat manifestazions de Vich endreza la defilèda de Carnascèr con cères, mèscres e musega fora per paisc con scomenz da les 14:30.
04.03.
Enes dla ventura per mut*ns dla elementera: iscrizions
L proiet per l instà «Enes dla ventura», per mutons y mutans dala prima ala terza elemen­tera, vën metù a jì dala Scolina tl Bosch, ntan l’ena dai 04.08.–08.08. y chëla dai 18.08.–22.08., dala 07:45–12:30. La iscrizions possa unì fates tres mail ai 04.03. dala 07:00 inant: info@canalescuola.it
05.03.
Votazion cunliamënt Pana – Sautaria
Ntan la proscima senteda dl Cunsëi de S.Cristina, n mier­culdi ai 5 de merz dala 20:00, unirà tratà y fat na votazion n con’ de n cunlia­mënt nuef danter Pana y Sautaria. N con’ de chësc argumënt à i zitadins dat ju feter 1.600 usservazions ti chemuns de Ciastel y de S.Cristina. La grupa Nosc Cunfin nvieia a unì y fé pea de trueps pa chësta descuscion.
07.03.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 7 de merz dales 14:00 ales 17:00. Por pre­notaziuns cherdé sö le 0471 946020. Les proscimes udiënzes é ai 2 de ma, 4 de messé, 5 de setëmber y 7 de novëmber.
07.03.
Letures de eles col CGF
En ocajion de la Dì interna­zionèla de la Eles l Comun General de Fascia endreza n event de letures al feminin en vender ai 7 de mèrz da les 17:00 te Ciasa de la Moniaria a Sèn Jan, n domesdì de refle­scions en cont del valor e de la condizion de la femena anchecondì tras la schertura e la desvaliva formes de èrt.
09.03.
Maria Piaz: femenes che à fat noscia storia
En domenia ai 9 de mèrz da les 17:00 a La Gran Ciasa a Soraga la Voce delle Donne endreza n apuntament de ‘Femenes che à fat noscia storia’ dal titol ‘Maria Piaz la Mare del Pordoi’ con Lu­ciana Palla autora del liber ‘Dal Pordoi a Katzenau’, Olim­­pia Rasom e letures ani­mèdes de Ilaria Chiocchetti.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sëlva ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën me­tù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions possa unì fates tres mail a info@njg.it, a Urtijëi ai 13.03., a Run­­cadic ai 14.03., a S. Cristi­na ai 11.03. y te Sëlva ai 10.03., for dala 07:00 inant. Nfurma­zions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mu­tans dl 2018-2020 y na segon­da grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscri­zions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.