La Usc di Ladins

L é n projet formatif che pea via dal Consei de la Provinzia Autonoma de Trent per ge fèr saer ai jogn de dut l Trentin che che l é l’autonomia e i engaissèr a la cognoscer, la viver e la amèr. »Conosciamo Autonomia« l se dejouc te desvalives momenc e un de chisc, del setor #COME dedicà ai studenc de la scola auta l é stat metù a jir enstadì a Sèn Jan en colaborazion con la Scola de Fascia.

Per arvejinèr i studenc a l’autonomia, à dit l sorastant Federico Corradini, l é miec che sie la istituzions a vegnir sul teritorie, enveze che i studenc a jir a Trent. Coscita en jebia ai 20 de firé i studenc de 2^ clas del Liceo artistich e chi de 4^ del linguistich se à binà te sorastanza a Sèn Jan, olache l é stat metù a jir na scontrèda con l intervent de desvalives raprejentanc istituzionèi.

Con desvalives intervenc ge é stat rejonà ai bec de che che vel dir autonomia, de sia rejons e motivazions che cogn esser cognosciudes e condividudes e de sia gestion che cogn esser responsabola e percacenrta, acioche l'autonomia no sie conscidrèda demò n privilege.

De più su La Usc stampèda de en vender ai 28 de firé.  (Lucia Gross)