La Usc di Ladins

Ai 17 de fauré ova n ël de S. Cristina debujën de aiut: l ti ova dat l bòt al cuer. Purtruep ne àn plu pudù fé nia.
Daldò iel stat mo n ntervënt a Col Alt/Corvara, ulache doi fova fric adum cun i schi y n jëunn dla Spania se ova trat na sciabla ora de luegia. Deberieda a si oma l àn manà tl spedel de Burnech.
De reviers tla sënta, à n’ambu­lanza menà adalerch un dai schi che se ova rot na giama. Cun ël iesen julei a Persenon te spedel.
Ai 18 de fauré daduman àn cherdà l joler sun l purtoi Vulcano a Poza, ulache n’ëila polaca se ova fat n gran tai canche la ie tumeda cun l snowboard. N ie julei limpea tl spedel de Trënt, da ulache n ie piei via riesc inò de viers dla Mont de Sëuc - inò per n nzidënt sun purtoi: n’ëila se ova fat mel al uf. N l’à ciarieda tl joler y meneda tl spedel de Persenon.
Domesdì iesen julei sun Pralongià per n ël che se ova trat na sciabla ora de luegia, cun chël che n ie julei tl spedel de Burnech.
Da sëira iel pona mo stat n nter­vënt te Sëlva, per na muta che ova abù na reazion alergica. N la à me­neda deberieda a si pere a Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper