Dutor Gherdëina
L dutor de servisc da n sada ai 22.02. dala 08:00 daduman nchin la 08:00 daduman de n lunesc ai 24.02. ie la duturëssa Janine Santifaller, che ie da urté tl ambulature dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Tla fin dl’edema di 22 y 23 de forá él en sorvisc ti comuns de Mareo y San Martin la doturia Margarethe Mahlknecht, La Val, tel. 349 066 7034 o 0474 523018. Ti comuns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 21.02. nchin n vënderdi ai 28.02. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 21 de forá dales 19:00 al vëndres ai 28 de forá ales 19:00, é chëra d’Al Plan, tel. 0474 501240.
Referac
26.02.
Referat: Maië bon y sann
La Lia di Artejans n pension nvieia a chësc referat cun la referënta Ivonne Daurù, n mierculdi ai 26 de fauré dala 17:00 tla Pitla Sala tla Cësa di Cungresc a Urtijëi.
26.02.
Referat: Se defëne da n prigo de agresciuns
En mercui ai 26 de forá dales 20:00 él tl salf dles manifestaziuns da La Val le referat »Co pói pa sciöche ëra me defëne da n prigo de agresciun?« Referënt é le dr. Massimo Romano, lütenënt di Carabiniers en ponsiun. Le referat é por talian. Organisaziun: Uniun Ëres y KVW da La Val.
Avisc
Atualmënter
Iscrizions Spring Race
La Lia per l Turism fej a l savëi che la iscrizions per la Spring Race ie daviertes nchin ai 27 de fauré. La garejeda sarà ai 22 de merz y l puderà fé pea 50 grupes da 6 partezipanc y n maester de schi y na grupa Charity.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Carnascèr
View the embedded image gallery online at:
https://www.lausc.it/manifestazions-y-evenc/28928-manifestazions-atuales#sigProIdbe5a262616
https://www.lausc.it/manifestazions-y-evenc/28928-manifestazions-atuales#sigProIdbe5a262616
Fin ai 8 de mèrz tel paisc de Vich se pel veder 12 ciasetes sui festii fornides da Carnascèr relisèdes da la sociazions de paisc, privac, scoles e istituzions.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta: ai 19.03, ai 30.04 e ai 28.05. Info al 389 1122243, ence whatsapp, o a sangiovanni difassa@biblio.tn.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Faconti. L cost ie de 5€ per cumëmbri dla Lia Gaia.
21.02
Na tera, trei lengac
Tel Palaz de la Magnifica Comunità de Fiem fora Ciavaleis, en veder ai 21 de firé, dì del lengaz de la mère, da les 17:30 vegn endrezà la scontrèda »Na tera, trei lengac« e sotescrit la cordanza anter la Comunità de Fiem, l Comun General de Fascia e la Comunità del Unterland per la valorisazion del trilinguism.
03.03.
Instà tl Bosch per mut*ns dla scolina: iscrizions
L proiet per l instà Instà tl Bosch, per mutons y mutans dai 3 nchin a 6 ani, vën metù a jì dala Scolina tl Bosch, dai 30.06. nchin ai 01.08. dala 07:45-12:30. La iscrizions possa unì fates tres mail ai 03.03. dala 07:00 inant: info@canalescuola.it
04.03.
Enes dla ventura per mut*ns dla elementera: iscrizions
L proiet per l instà «Enes dla ventura», per mutons y mutans dala prima ala terza elementera, vën metù a jì dala Scolina tl Bosch, ntan l’ena dai 04.08.–08.08. y chëla dai 18.08.–22.08., dala 07:45–12:30. La iscrizions possa unì fates tres mail ai 04.03. dala 07:00 inant: info@canalescuola.it
10.–13.03.
Pavël: iscrizions
L proiet per l instà Pavël, per mutons y mutans dl 2014– 2021, vën metù a ji dal VKE deberieda ai Chemuns; a Urtijëi dai 30.06. nchin ai 22.08., a S. Cristina y te Sëlva dai 07.07. nchin ai 22.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 10 y 11.03.; S. Cristina ai 12 y 13.03.; Sëlva ai 10 y 11.03.
10.-14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions possa unì fates tres mail a info@njg.it, a Urtijëi ai 13.03., a Runcadic ai 14.03., a S. Cristina ai 11.03. y te Sëlva ai 10.03., for dala 07:00 inant. Nfurmazions plu avisa sun www.njg.it.
18.–22.03.
Iscrizions »Gaia«
La Lia Gaia mët a jì n proiet da d’instà, per mutons y mutans dl 2018-2020 y na segonda grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscrizions vën tëutes su dai 17.03. dala 08:00 inant nchin ai 21.03. tres l formular sun www.pro-gaia.net.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Chemuns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
26.02.
50 agn Sport club Mareo
Dales 20:50 ca. Dal 1974 â i apascionés de jüch al palé de Mareo ciafé finalmonter en »daciasa« do che sis jogn dal post â metü sö la pröma uniun dal sport tal comun dla bassa Val Badia. Nasciü desco uniun por le jüch al palê, á le Sport Club Mareo tut sö deplü disciplines sportives fora por i dejenas: tennis, sub, brëia, chidlé, paslunch y rodes. Con dötes á le palé fat en toch de tru deboriada, spo é tlafinada dötes jüdes do sü trus. Te 50 agn á le Sport Club Mareo arjunt de bogn traverc a livel sportif y ciamó de mius tal ciamp sozial, se crüzienn dai mituns y dai jogn, ti denn na bela poscibilité da emplí so tomp lëde a na manira sana y sensada. Program de Diego Clara y Hartmann Mairhofer, a cura de Leo Senoner.
27.02.
Euro
Dales 20:50 ca. Program de Diego Clara y Hartmann Mairhofer, a cura de Leo Senoner.
Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
26.02.
Giornèda mondièla de la malaties rères
Dales 13:45. Conduzion Cinzia Pistoia.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
22.02.
Momënc de vita – intervista a Antonietta Crepaz
Dales 19:05. Antonietta Crepaz é nasciüda y chersciüda sö a Contrin, na picera fraziun dl comun de La Pli de Fodom. Süa
View the embedded image gallery online at:
https://www.lausc.it/manifestazions-y-evenc/28928-manifestazions-atuales#sigProIdbe5a262616
https://www.lausc.it/manifestazions-y-evenc/28928-manifestazions-atuales#sigProIdbe5a262616
23.02.
Helmuth Runggaldier, prim DJ de Sëlva
Dales 19:05. L Disk Jockey (DJ) ie perdrët un che mët su plates de mujiga, dantaldut tla discoteches, n mestier che à ti ultimi ani inò abù na sort de renaissance. Bën 18 discoteches fovel te Gherdëina ti ani ‘70 y ‘80 danter Plan de Gralba y Pontives. Sun chësc fenomen y sun l lëur y la pascion de fé l DJ’s s’la ciaculons cun Helmuth Runggaldier de Sëlva. Trasmiscion de Georg Mussner.
27.02.
Dal lat al ciajó
Dales 19:05. Da büsc y bel ghel, insciö é le ciajó tl imaginar de cotanc. I paurs dl Lüch de Valin te Sëlva fej ciajó bele da 15 agn y ai laora insciö sö instësc le lat de süa produziun. Te chësc program nes cunta Martin Mussner de süa ativité, alzan fora ince de vigni sort de coriosités por ci che reverda le ciajó. N program de Sara Frenner.
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.
Chino
Atualmenter
Al chino de Cianacei
Insnet, vender ai 21 e domenia ai 23 de firé da les 17:00 l é »Captain America: Brave new world«, vender ai 21, sabeda ai 22 e domenia ai 23 da les 21:15 l é »September 5–La diretta che cambiò la storia«. Info www.cinemacanazei.it
Atualmenter
Al chino de Pardac
Insnet, vender ai 21 da les 21:00, sabeda ai 22 da les 17:00 e domenia ai 23 da les 17:00 l é »Paddington in Peru«, sabeda ai 22 da les 21:00 e domenia ai 23 da les 20:30 l é »September 5, la diretta che cambiò il mondo«, mercol ai 26 da les 21:00 per la rassegna »Cinema da leggere« l é »Piccole cose come queste«. Info su www.cinemapredazzo.it
Atualmenter
Al chino de Tieser
Insnet, vender 21 e sabeda ai 22 de firé da les 21:15 e domenia ai 23 da les 20:30 l é »Follemente«, sabeda ai 22 da les 17:00 l é »Captain America-Brave new world«, jebia ai 27 da les 21:15 per la rassegna »Il piacere del cinema« l é »L’orchestra stonata«. Info www.cinematesero.com.
Mostres y Ert
Atualmënter
Ziclus – ert cun la natura
Per »Kunst im Gang[e]« à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Südtirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.
Atualmënter
Alpaca y ert: mostra de solidarità per l Perù
La grupa Gherdëina per l Perù mët a jì na mostra d’ert unica per n bon fin. L’esposizion sarà dai 6 ai 23 de fauré tla Lia Mostra d’Ert a Urtijëi. Orar de giaurida: 09:30-12:00 e 15:00-19:00, de vënderdi y sada nce dala 20:00 ala 22:00.
Autalmënter
»Mëter mans – artejanes de Gherdëina conta«
Dai 1. ai 16 de de merz iel da udëi tla sala dla mostres dla Cësa di Cungresc na mostra cun opres de 25 artistes de Gherdëina. N possa ti cialé a d’uni sort de criazions de chësta ëiles, che mantën nscila la tradizion de nosta valeda y la svilupea nce inant. La mostra ie davierta uni di dala 10:30 ala 12:30 y dala 16:00 ala 18:00.
Autalmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vënderes dales 8:00 ales 12:00 y dales 16:00 ales 18:00; la domënia dales 10:00 ales 12:00.
Autalmënter
Mostra de Markus Moling
Cina ai 3 de merz él da odëi tl Café – Atelier »Pinta Pichl« a Bornech (Oberragen 3) na mostra de Markus Moling da La Val. La mostra é daverta dal lönesc al vëndres dales 8:00 ales 19:00 y la sabeda dales 8:30 ales 18:00.
Teater
Atualmënter
Teater a S. Cristina
La grupa Teater S. Cristina nvieia a la reprejentazions dl pez de teater da rì „Streichquartett» de Szöke Szakàll. Regia y traduzion tl gherdëina de Willy Runggaldier. L sarà mo cin’ reprejentazions – for tl self de Chemun: 23.02. dala 17:00, 25.02. y 28.02. dala 20.30, 02.03. dala 17:00 y 03.03. dala 20.30. Chertes danora: 339 3399266 (Paola Stuffer).
23.02.
A Tieser a teater
En domenia ai 23 de firé da les 17:30 te teater de Tieser la Filodramatica de paisc sezion joegn porta dant l spetacol »Una pedalata spaziale«.
27.02.
Rassegna de teater ladin
Tel chèder de la Rassegna de teater ladin del CGF en jebia de Carnascèr ai 27 de firé da les 20:30 te la veia scoles de Penia l Grop de la Mèscres de Dèlba e Penia met dant la mascherèda »Te tieja del ors« de Stefen del Monech.
07.03.
Sajon teatrala de Fiem
Per la sajon teatrala de Fiem, en vender ai 7 de mèrz da les 20:45 te teater de Tieser, Onda Larsen Teatro met dant l spetacol »Delitto imperfetto« scrit da Claudio Insegno con Riccardo De Leo, Gianluca Guastella e Lia Tomatis.
Religion
01.03.
Badia:
View the embedded image gallery online at:
https://www.lausc.it/manifestazions-y-evenc/28928-manifestazions-atuales#sigProIdbe5a262616
https://www.lausc.it/manifestazions-y-evenc/28928-manifestazions-atuales#sigProIdbe5a262616
La Uniun dles Ëres Catoliches dl decanat Val Badia inviëia i geniturs che á n pice da batié, pêrs che aspeta, toc y totes de nosc decanat ala preparaziun dl Bato, en sabeda al 01.03. dales 15:00 ales 17:00, tla ciasa Runcher a Badia. Al gnará aprofondí l’importanza dl sacramënt, presenté le ritus y splighé i simboi. Prenotaziuns pro Lucia al numer de telefon 334 3200396.
Cursc
Atualmënter
N forma tl cë cun juesc y devertimënt
L Kvw de Urtijëi y la Biblioteca »San Durich« mët a jì n curs per alené l cë per ëi y ëiles sëura i 60 ani cun Isolde Kostner. N fajerà d’uni sort de juesc da rì per vester boni de se lecurdé dut miec, vester plu asvelc a reagì y ne pierder nia la cunzentrazion. L curs unirà fat for de juebia dala 9:30 ala 10:30 tla biblioteca San Durich a Urtijëi. La prima ancunteda ie ai 6 de merz. N possa se scrì ite dai 20 ai 28 de fauré tla Biblioteca San Durich. Cost: 30€.
Atualmënter
Iscrizions curs de tudësch
L Cumité per Ntegrazion Gherdëina deberieda cun i chemuns mët a jì n curs de tudësch per chëi che sa bele mpue – dai 2 de auril inant uni lunesc y mierculdi, 9:00–11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
25.02.
Curs: fé Makramee cun Gabi
Tla biblioteca de San Durich vëniel metù a jì n curs per fé makramee cun Gabi Anvidalfarei, n merdi ai 25 de fauré dala 19:30. L unirà fat n got dai ciofs da taché su. N possa se nuté su te biblioteca o cherdan su l numer 0471/ 797814. Cuntribut per l curs y material: 10,00€.
03.03.
Curs de spagnolo
A La Pli vëgnel organisé n curs de basa de spagnolo cun Maria Margareth Pedevilla. Le curs mët man en lönesc ai 3 de merz y vá inant cina ai 14 d’aurí, por indöt 10 incuntades. An s’abina tres dales 17:30 ales 19:00, te scora elementara da La Pli. Cost: 150,00€ cun liber y material lapró. Informaziuns plü menüdes y iscriziuns al 377 1807923. Min. 6 partezipanc.
Mujiga
21.02.
Performance de Marco Mattia
Ai 21 de firé, te la Dì internazionèla del lengaz de la mère, i Servijes linguistics e culturèi del Comun General de Fascia endreza »Sonèr la paroles«, na performance dal vif de paroles che doventa sons col artist Marco Mattia da les 17:00 a Poza, te Piaz de Comun.
23.02.
»Strings in Motion« – cunzert
Tla Cësa di Cungresc Luis Trenker a Urtijëi saràl n dumënia ai 23 de fauré dala 20:00 n bel cunzert dl ensemble «Strings in Motion».
27.02.
Party de Carnescià tl Circolo
Tl Circolo a Urtijëi mët la Nëus Jëuni Gherdëina a jì na festa de Carnescià dala 19:30 inant tl self dl Circolo cun mujiga dal vif dla grupes InBetween y Pëufla.
Temp Lede
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. L prugram plu avisa ie da abiné sun valgardena.it
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada interativa. Deplü indic y domanda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
24.02.
Spetacul söi schi a Corvara
En lönesc ai 24 de forá dales 21:00 él sön la pista »Abrusé« a Corvara n spetacul lié ala segurté sön pista, cun la Scora de Schi da Corvara y d’atres assoziaziuns. Al vëgn porté dant simulaziuns co afronté situaziuns de emergënza sön pista. La sëra se stlüj jö cun la defilada cun i chentli.
25. y 27.02.
Al Plan: schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schipass, la cherta de plü dis o an pó ince cumpré na cherta por chë sëra.
26.02.
La Ila: cun i schi da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
26.02.
Spetacul söi schi a San Ciascian
La Scora de Schi da San Ciascian, adöm al »Pirates Freestyle Team«, porta dant n spetacul sön la pista »Piz Sorega A«, en mercui ai 26 de forá dales 21:00. Al gnará pité na sëra plëna de devertimënt y adrenalina.
27.02.
Bun de Gran Risa
Tres l’iniziativa »Bun de Gran Risa«, en jöbia ai 27 de forá, deura l’implant de »Piz La Ila« bele dales 6:55. Dui maestri de schi dl’Alta Badia acompagnará i partezipanc dui iadi jö por la Gran Risa. Dedô pón ciamó jí a gosté te na ütia. Prenotaziiuns ti ofizi turistics dl’Alta Badia.
27.02.
Juebia grassa a S.Cristina
N juebia grassa mët la Lia dl Turism de S. Cristina a jì na festa de Carnescià cun cërcia de panicia y de bon crafons, dala 10.00 ala 12:00 sun Plaza de Chemun. Duc y dutes ie de cuer nviei.
27.02.
Carnescià te Sëlva
N juebia grassa cianterà y balerà i mëndri dla scolina n mascra per festejé l Carnescià. N se anconta dala 10:00 sun Plaza de Chemun. Per finé via puderàn ciarcë mpue de panicia y l ne mancerà nce nia i crafons.
27.02.
Defileda de Carnescià a Urtijëi
A Urtijëi vëniel inò metù a jì na gran defileda de Carnescià. L vën muet dala 15:00 dan l hotel Madonna per jì pona deberieda tres l zënter nchin sun plaza de dlieja. L sarà da vëncer pesć per la plu bela mascres.
27.02.
Carnescià cun i schi
La Scola de Schi de Urtijëi nviëia ala »Carnival Ski Show« n juebia grassa dala 21:15 via n Palmer.
02.03.
Jita de schi alpinism: Piza S. Antone
La Lia da Mont de Gherdëina mët a jì na jita de schi alpinism sun la piza S. Antone (2.672 m) te Fanes n dumënia ai 2 de merz. N fajerà na traverseda pian via da Pederú a La Val. L sarà da jì 4 ëura y mesa cun n deslivel de 1.063 m. N possa se nuté su dala Lia.
02.03.
Carnival Fantasy Circus
Paiazi, artisć y artistes dl zircus prejënta d’uni sort de matades, acrubazies y de bela mascres sun plaza de Chemun te Sëlva n dumënia ai 2 de merz dala 16:30 ala 17:30.
Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 27 de forá. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Sport
21.02.
IHL Divijion 1: HC Gherdëina vs. HCP Junior Selection
Tl stadio Pranives te Sëlva saràl ai 21 de fauré dala 20:30 la partida contra l HCP Junior Selection.
