La Usc di Ladins

Ai 10 de fauré iel stat n’emergënza a Urtijëi y sun Pas Pinëi. Tramedoves che se à fat mel àn menà a Puntives cun l’ambulanza y daldò a Bulsan. Danmesdì iel unit na senialazion de Prim Aiut tres n’ëura Apple. L pont fova danter Val y la Val de Chedul. Davia che l ne fova nia na bona ududa y l joler ne n’à nia pudù dé sëura, à doi sucoridëures de Gherdëina, debe­rieda cun vel’ uem di Destudafuech, cialà do cun na drona. L fova na senialazion negativa. Do marënda iesen furnei sun l purtoi de Piz La Ila. N‘ëila dala Olanda se à fat n trauma a tramedoi giames y do la prima cures n l’àn mededa tl spedel de Burnech. Da sëira iel stat n’emer­gënza sanitera a Runcadic; la paziënta àn menà tl spedel de Bulsan.

Ai 11 de fauré ie ie l joler unì cherdà danmesdì a Corvara, ulache na jëuna fova unida da nescia te n hotel. L dutor l’à riesc vijiteda, daldò iesen julei tl spedel de Burnech. Pra chël ntervënt iel unit adalerch la Crëusc Blancia y i Destuafuech. Domesdì jìvela inò de julé a Corvara, sun l purtoi sot al Piz Arlara. N’ëila fova tumeda cun i schi y se ova fat mel al spinel. Do na terapia contra l mel, iesen julei a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper