La Usc di Ladins

Le zënter cultural "Grand Hotel" a Toblach á ospité en sabeda ai 8 de forá la gran finala de "Winto.klong 2025", la cuinta ediziun dl festival musical, che s’oj a ciantauturies y ciantauturs dla Euregio – Südtirol, Tirol y Trentin. Bele pro la ediziun dl ann passé êl garaté na sodesfaziun ladina, cun le terzo post dl grup d’Al Plan "Lu&Me". En chësc ann él le grup badiot "Aurela Cörta" che ti l’á fata da rové sön podest. Pro le gran conzert de conclujiun á Matthias Pizzinini da San Ciascian, Martin Valentini da Badia y Ermes Costa da Calfosch entusiasmé publich y juria, che i á spo premiá cun le secundo post final.

I se l’un n pü’ ciacolada cun Matthias Pizzinini, che nes cunta dl grup, dles sodesfaziuns y di proiec por le dagní. Liede deplü t’La Usc di Ladins di 21 de forá  (pablo)