La Usc di Ladins

L é stat na radunanza dedichèda soraldut ai sozi, chela che la Coprativa de Fascia à chiamà ite en sabeda ai 15 de firé te la palestra de la scola mesènes a Sèn Jan. Coscita à dit l president Norbert Bernard dedant ai 487 sozi rué en prejenza e 15 con delega passan via coscita l numer de 500 sozi. Da recordèr che en dut i sozi atives del Fassa Coop i é 2058, chest an se n à jontà ite 57 e nesciugn é jic fora. Bernard à recordà l mot »da soi se va più coran, ma ensema se va più dalonc«; fèr ensema l é apontin tel inom de la cooperazion e dalonc l à desmostrà de saer jir, l Fassa Coop, che chest an che vegn l festejarà i 130 egn de vita.

De più sui numeres del bilanz, sui inomes di neves aministradores e sui mudamenc al Statut l é da poder lejer su La Usc stampèda de en vender ai 21 de firé.  (Lucia Gross)