La Usc di Ladins

Sport, ativités y devertimënt tratan l’isté
Le Ski Team Alta Badia pîta, en colaboraziun cun les assoziaziuns sportives dl’Alta, ativités tratan l’isté por mitans y mituns de scolina, elementara y mesana. Les iscriziuns vëgn daurides ai 24.02. dales 8:00
Sport+creativity all day
Por i mëndri dla scolina (nasciüs tl 2019) vëgnel pité a La Ila les ativités »Sport + creativity all day«, plü avisa tles edemes dai 14 ai 18.07., dai 28.07. al 01.08., dai 11 ai 15.08. y dai 25 ai 29.08., dagnora dal lönesc al vëndres dales 9:00 ales 15:00. Le cost é de 130,00€ al’edema (marëna lapró). Iscriziuns dai 24.02. inant, anter i 2 de merz al link https://forms.gle/Ao5M77Wakoika5RDA
Multisport
»Multisport all day« é les ativités por mitans y mituns dla elementara, che vëgn metüdes a jí ti paisc di comuns de Badia y Corvara; al vëgn fat trëi grups: »kids 1« por i nasciüs dl 2018; »kids 2« por i nasciüs dl 2016 y 17; »kids 3« por i nasciüs dl 2014 y 15. Le program prevëiga n bloch de 4 edemes, dai 7 de messé fina ai 23 d’agost, tres dal lönesc al vëndres dales 9:00 ales 15:00. Le cost é de 320,00€. Iscriziuns dai 24.02. inant, anter i 2 de merz al link https://forms.gle/EPELdrzpzFCNvTuw8
Edemes de sport
A chi dla mesana, nasciüs dal 2011 al 2013, s’oj l’iniziativa »Sportweek all day«, che prevëiga ativités ti paisc di comuns de Badia y Corvara, sciöche ince jites fora por la provinzia. Al vëgn pité 3 edemes: dai 14 ai 19.07.; dai 29.07. ai 02.08.; dai 11 ai 16.08. – tres dal lönesc ala sabeda dales 9:00 ales 16:00. Le cost é de 130,00€ al’edema (zënza marëna). Iscriziuns dai 24.02. inant, anter i 02.03. al link https://forms.gle/Who3ubmv X1DvmP3Q7
Informaziuns ciafon ala mail info@skiteam altabadia.it, pro Thomas al 339 1433016 o pro Martina al 377 5909449. Infos plü menüdes sön le proiet ciafon sot a ala plata internet www.skiteamaltabadia.it, seziun »news«.

Gnide al Carlascé d’Al Plan
Döta la jënt – cun o zënza maschera – é bel inviada da gní ala defilada por la festa plü matorina dl ann. An s’incunta en mertesc ai 4 de merz a Al Plan
En mertesc ai 4 de merz vëgnel indô fat le Carlascé d’Al Plan. La Cooperativa Turistica Al Plan/San Martin inviëia döta la jënt da gní alerch y sambëgn ince da fá para pro la gran defilada, che pëia ia dales 14:00 tla plaza dan la Coo­perativa Turistica (ex no­dadoia curida) y che rovará fina pro paiun de paisc. Iló gnarál spo pre­mié les mascores plü originales creatives. Les iscri­ziuns ala defilada vëgn tutes sö en chël de dales 13:15 inant, dan l’ofize turistich.

Univiersc de sonns
Na bela sëira de mujiga de strumënc a archët unirà a s’l dé n dumënia ai 23 de fauré dala 20:00 tla Cësa di Cungresc a Urtijëi
L’urchestra da camera dla academia de strumënc a archët Euregio »Strings in Motion« nvieia a si cun­zert dal titul »Klang­welten – Uni­viersc de sonns« n du­­mënia ai 23 de fauré dala 20.00 tla Cësa di Cungresc a Urtijëi. L unirà sunà pec de A. Vivaldi, A Piazzolla, C. P. E. Bach y F. Mendels­sohn Bar­tholdy. La ntreda ie a dun­fierta liedia.
La grupa se ncun­forta sun duc i apa­sciunei y duta la apasciu­nedes de mujiga.

»Vertical Camp« d’isté
La Lia da Munt Val Badia mët jí na edema d’isté cun mënacrëp, cun arpizé y action
»Arpizé y action« é le motto dl »Vertical Camp«, che vëgn metü a jí dala Lia da Munt Ladinia – Val Badia. Ara se trata de na edema d’isté cun i mënacrëp, por jones y jogn dai 10 agn insö, dai 14 ai 18 de messé. Por informaziuns plü menüdes pón jí sön www.liadamunt.info | jonil. Les iscriziuns vëgn tutes sö ai 28 de forá dales 20:00.

Curs de telemark a La Ila
La US La Ila mët a jí n curs por prinzipianc y progredis: trëi sëres de merz, sön la pista »Doninz« a La Ila
La Uniun Sport La Ila – seziun telemark, mët a jí n curs de telemark por prin­zipianc y progredis.
Tó pert po düc chi che á in­teres da vaghé les prö­mes otes te chësc sport. Le pröm iade vëgn le curs tigní en mercui ai 5 de merz dales 20:00 ales 22:00, sön la pista »Doninz« a La Ila. Le cost é de 60,00€ (20,00€ vá sciöche iscriziun al’Uni­un Sport La Ila). Les iscriziuns vëgn tutes sö pro Arthur al 329 8627658 – ma tres WhatsApp.

CRËPS
Riccarda de Eccher tl Tublà da Nives
Te età madura scumëncela a se dé ju cun la pitura tla tecnica a acuarel. La Elpes y particularmënter la Dolo­mites devënta prutagonistes de si lëures, te depënc, che per la natura dla tecnica sons usei a udëi te de mëndri formac.
Tl’opres de Riccarda de Eccher tol i crëps ite duta la spersa dl cheder, nscila che chi che ti cëla vën trat ite defin tla panoramica vijiva.
La giaurida dla mostra ie n vën­derdi, ai 28 de fauré, dala 18.00 tl Tublà da Nives te Sëlva.
La ntroduzion fajerà Ingrid Rung­galdier.

Festes da Carnescé tl’Alta Badia
Devertimënt y buna löna en Jöbia Grassa y en mertesc de Carnescé
Ai 27 de forá dales 14:00 inant vëgnel metü a jí a Calfosch, dlungia le punt tl zënter dl paisc, na festa sön pista cun musiga, face–painting y animaziun de clowns por pici y gragn. Al gnará ince dé fora val’ da bëre y da mangé.
Le medemo de vëgnel ince a Badia tigní na festa da Carnescé dlungia la staziun a val dl lift »Baby La Crusc«, dales 13:30 inant. Al sará musiga, animaziun por pici y ince la poscibilité da se lascé depënje sö le müs. Al ne manciará nia val’ da bëre y val’ de duc da mangé.
Le mertesc ai 4 de merz dales 14:30 él söl program na festa cun defilada dles mascheres jödapé dla pista Col Alt a Corvara dales 14:30. Na iuria premiará la maschera plü bela y originala. Al vëgn ince metü a jí l’acrobatic show adöm al »Freestyle Team Pirates« Alta Badia y n valgügn bars y eserzizi dl post dará fora da bëre y canifli da Carnescé. Por tó pert ala defilada bastel se scrí ite sön le post.